Batys Qazaqstan oblysynyń Jańaqazan aýylynda 4 jasar balany toq soǵyp, nátıjesinde búldirshin eki qolynan aıyryldy, dep habarlaıdy «Adyrna» tilshisi «Habar 24»-ke silteme jasap.
Ol elektr stanııasynyń aýmaǵyna kirip ketken. Bala oblystyq aýrýhanaǵa jedel jetkizilgen. Alaıda jaraqaty aýyr bolǵandyqtan, dárigerler ampýtaııa jasaýǵa májbúr boldy.
Zardap shekken Amanjol Sısenǵalıev otbasyndaǵy 4 balanyń kishisi. Mamandar jaǵdaıy ortasha aýyr dep baǵalap otyr.
Qazirgi tańda eriktiler qor quryp, balaǵa protez alý úshin qarajat jınaýǵa kiristi.
Aıta ketý kerek, aımaqta elektr toraptarynyń 83% ábden eskirgen. Tozǵan jeliler jıi úzilip, adamǵa da, malǵa da qaýip tóndirip otyr. Al turǵyndar sala mamandary salǵyrt dep ashynady. Oqys jaǵdaıǵa qatysty qylmystyq is qozǵalyp, tergeý júrip jatyr.
