Oqý-aǵartý mınıstri Ashat Aımaǵambetov Pavlodar qalasynda halyq aldynda esep berý kezdesýin ótkizdi, dep habarlaıdy «Adyrna» tilshisi.
Oǵan óńirdiń 300-ge jýyq turǵyny qatysty. Eki saǵattan astam ýaqyt boıy jınalǵan qaýym ózderin qyzyqtyrǵan suraqtaryn qoıdy.
«Túrli suraqtar qoıyldy, olardyń árqaısysyna jaýap berýge tyrystym. Atap aıtqanda, balalardyń mekteptegi qaýipsizdigi, ashanadaǵy tamaqtaný, olımpıada jeńimpazdaryn yntalandyrý, oqýshylardyń oqý jetistikteriniń monıtorıngi, oqý baǵdarlamalary, PMPK (psıhologııalyq-medıınalyq-pedagogıkalyq kabınetter) jumysy týraly máseleler, «Jalpyǵa mindetti bilim berý» qory aıasynda kómekti bólý jáne basqa da mańyzdy taqyryptar bar.
Kóterilgen barlyq suraq pen usynys baqylaýda bolady. Oblys ákimdiginiń quzyryndaǵy suraqtar jergilikti deńgeıde sheshiledi. Qalǵan máseleler boıynsha mınıstrlik qyzmetkerleri barlyq qajetti jumysty júrgizedi»,– dedi vedomstvo basshysy.
