Oqu-aǧartu ministrı Ashat Aimaǧambetov Pavlodar qalasynda halyq aldynda esep beru kezdesuın ötkızdı, dep habarlaidy «Adyrna» tılşısı.
Oǧan öŋırdıŋ 300-ge juyq tūrǧyny qatysty. Ekı saǧattan astam uaqyt boiy jinalǧan qauym özderın qyzyqtyrǧan sūraqtaryn qoidy.
«Türlı sūraqtar qoiyldy, olardyŋ ärqaisysyna jauap beruge tyrystym. Atap aitqanda, balalardyŋ mekteptegı qauıpsızdıgı, ashanadaǧy tamaqtanu, olimpiada jeŋımpazdaryn yntalandyru, oquşylardyŋ oqu jetıstıkterınıŋ monitoringı, oqu baǧdarlamalary, PMPK (psihologiialyq-medisinalyq-pedagogikalyq kabinetter) jūmysy turaly mäseleler, «Jalpyǧa mındettı bılım beru» qory aiasynda kömektı bölu jäne basqa da maŋyzdy taqyryptar bar. Köterılgen barlyq sūraq pen ūsynys baqylauda bolady. Oblys äkımdıgınıŋ qūzyryndaǧy sūraqtar jergılıktı deŋgeide şeşıledı. Qalǧan mäseleler boiynşa ministrlık qyzmetkerlerı barlyq qajettı jūmysty jürgızedı»,– dedı vedomstvo basşysy.
