Ekibastuzda múmkindigi shekteýli bala úshinshi qabattan qulap ketti. Bul týraly Polisia.kz jarııalady, dep habarlaıdy “Adyrna” ulttyq portaly.
13 maýsym saǵat 09.00-de Ekibastuz qalalyq PB kezekshi bólimine «103» jedel járdem dıspetcherinen Energetıkov kóshesindegi úıdiń aýlasynda bala jatyr degen telefon habarlamasy túsken.
Anyqtalǵandaı, 5 jastaǵy jas bala ata-anasynyń qaraýynsyz qalyp, 3-qabattaǵy as úıdiń ashyq turǵan terezesinen qulap ketken. Búldirshin týǵannan múgedek ekeni belgili boldy. Qulaý saldarynan bala túrli dene jaraqattaryn alyp, Ekibastuz qalasy aýrýhanasynyń jansaqtaý bólimine jatqyzyldy.
«Abaısyzda balanyń densaýlyǵyna aýyr nemese aýyrlyǵy ortasha zııan keltirýge ákep soqqan, jas balanyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaǵany úshin 25 jastaǵy ákesine qatysty Qazaqstan Respýblıkasy QK-niń 141-baby boıynsha sotqa deıingi tergep-tekserý júrgiziledi», – dedi Ekibastuz qalasy Polıııa basqarmasynyń bastyǵy Qaıyrjan Shaqarǵalıev.
”Adyrna” ulttyq portaly
