AQSh Ýkraınaǵa qaýipsizdik salasyna járdem aıasynda taǵy bir mıllıard dollardyń qarý-jaraǵyn bermek, dep habarlaıdy «Adyrna» ulttyq portaly.
Bul týraly AQSh prezıdenti Djo Baıden 15 maýsymda Ýkraına prezıdenti Vladımır Zelenskıımen telefonmen sóılesken kezde aıtty dep habarlady Aq úıdiń baspasóz qyzmeti.
Eki el basshylary Reseıdiń Ýkraınaǵa basqynshylyq jasap, sol eldiń aýmaǵynda tórt aıǵa jýyq ýaqyt boıy júrgizip jatqan soǵysty talqylaǵan. Ýkraına prezıdenti eline qoldaý bildirgen AQSh-qa alǵys aıtqan.
Vashıngton Ýkraınaǵa kómek retinde artıllerııalyq jáne teńiz jaǵalaýy qorǵanysy qarý-jaraǵy men oq-dáriler, qazirgi zamanǵy zymyran júıelerin bermek. Qazir Donbassta qorǵanys operaııasyn júrgizip jatqan ýkraın kúshteri mundaı qarý-jaraqqa muqtaj ekenin Kıev burynnan aıtyp keledi.
Buǵan qosa Baıdan AQSh-tyń Ýkraına halqyna gýmanıtarlyq kómekke dep qosymsha qarjy bóletinin habarlaǵan.
"Biz osy soǵystiń kesirinen taǵdyry tálkekke túsken ýkraınalyqtardy qoldaýdan aınymaımyz. Búgin men Ýkraına halqyna gýmanıtarlyq kómekke qosymsha 225 mıllıon dollar berileinin jarııalaımyn, bul qarjy qaýipsiz aýyz sý, qajetti dári-dármek pen medıına jabdyqtaryn, azyq-túlik pen otbasylarǵa kúndelikti qajet zattardy satyp alý úshin aqshalaı beriledi" dep málimdegen AQSh prezıdenti.
Baıden AQSh Reseıdiń esh sebepsiz soǵys ashqanyn aıyptap, Ýkraınany qoldaıdy jáne onyń egemendigi men demokratııasyn, jeriniń tutastyǵyn qorǵaýyna járdemdesedi degen.
"Ýkraına halqynyń erjúrektigi, tabandylyǵy men batyldyǵy búkil álemdi tántti etti. AQSh odaqtastary jáne seriktesterimen birge ýkraın halqynyń azattyq jolyndaǵy kúresine qoldaý kórsetýdi bosańsytpaıdy" delingen Aq úı málimdemesinde.
Baıden qazir Brıýsselde júrgen AQSh qorǵanys mınıstri Lloıd Ostınniń Ýkraına qarýly kúshterine halyqaralyq qosymsha kómekti úılestirýge kúsh salyp jatqanyn da aıtqan.
«Adyrna» ulttyq portaly.
