Talǧar audany äkımdıgınıŋ būrynǧy şeneunıkterı 2017-2019 jyldar aralyǧynda Almaty äuejaiyna jaqyn jerlerdı zaŋsyz ielıkten şyǧarǧany jäne satqany üşın sottaldy, dep habarlady “Adyrna” ūlttyq portaly.
Talǧar audandyq sotynyŋ mälımetınşe, şeneunıkterge 361-baptyŋ 1-bölıgı (Bilıktı asyra paidalanu), 362-bölımnıŋ 4-bölıgı (Bilıktı nemese lauazymdy bilıktı asyra paidalanu) jäne 190-baptyŋ 4-bölıgı (Alaiaqtyq) boiynşa aiyp taǧylǧan. Prokuror aiyptaluşylardy 2 jyldan 8 jylǧa deiın bas bostandyǧynan aiyrudy sūraǧan, al olar kınäsın moiyndamai, özderın aqtaudy sūraǧan.
Nätijesınde sottaluşylardyŋ kınäsı sarapşylardyŋ qorytyndylary, qatysuşylardyŋ, kuägerlerdıŋ aiǧaqtary, jasyryn tergeu äreketterınıŋ nätijelerı boiynşa däleldengen.
Talǧar audany Panfilov auyldyq okrugınıŋ būrynǧy äkımı A. «Ökılettıgın asyra paidalanu jäne alaiaqtyq» baptary boiynşa kınälı dep tanylyp, qylmystyq-atqaru jüiesınıŋ ortaşa qauıpsız mekemelerınde jazasyn ötei otyryp, 8 jylǧa bas bostandyǧynan aiyryldy.
Audannyŋ būrynǧy bas säuletşısı R. ökılettıgın asyra paidalanǧany üşın kınälı dep tanylyp, 6 jylǧa bas bostandyǧynan aiyryldy, ol qylmystyq-atqaru jüiesınıŋ ortaşa qauıpsız mekemelerınde jazasyn öteidı.
Qala äkımdıgınıŋ jer mäselelerı jönındegı bas mamany osy qylmystarǧa qatysqany üşın kınälı dep tanylyp, 5 jylǧa bas bostandyǧynan aiyryldy.
«Jer qatynastary bölımı» MM basşysy T. 371-baptyŋ 2-bölıgı «Nemqūrailylyq» boiynşa kınälı dep tanylyp, oǧan ekı jylǧa bas bostandyǧyn şekteu jazasy taǧaiyndaldy. Alaida ükımge Almaty qalasy Medeu audandyq №2 sotynyŋ 2022 jylǧy 18 nauryzdaǧy ükımı boiynşa taǧaiyndalǧan alty jylǧa bas bostandyǧynan aiyru jazasy qosylǧan. Osylaişa, oǧan alty jyl üş aiǧa bas bostandyǧynan aiyru jazasy taǧaiyndaldy.
«Jer qatynastary bölımı» MM basşysynyŋ mındetın atqaruşy K. «Nemqūrailylyq» baby boiynşa kınälı dep tanylyp, ekı jylǧa bas bostandyǧyn şekteu jazasyna kesıldı, alaida raqymşylyq boiynşa negızgı jazadan bosatyldy.
Ükım şyǧaru kezınde jeŋıldetetın (balalarynyŋ boluy, zeinet jasy), sondai-aq, auyrlatatyn män-jai eskerılgen. Barlyq sottaluşy memlekettık qyzmette jūmys ısteu qūqyǧynan aiyrylǧan.
Ükım älı zaŋdy küşıne enbegen.
Eske salaiyq, 2021 jylǧy mamyrda Talǧar audanynyŋ jergılıktı şeneunıkterı men rieltor 2019 jyly Bek Air ūşaǧy apatqa ūşyraǧan audandaǧy, Güldala auylyndaǧy jerdı satqany üşın kınälı dep tanylǧan bolatyn.
Aita keteiık, Bek Air ūşaq apaty 2019 jylǧy 27 jeltoqsanda bolǧan edı. Lainer Almaty äuejaiy maŋyndaǧy uchaskede zaŋsyz salynǧan üilerge qūlaǧan bolatyn. Bortta 93 jolauşy jäne bes ekipaj müşesı bolǧan. Oqiǧa saldarynan 15 adam qaza tapqan edı.
”Adyrna” ūlttyq portaly
Ūqsas jaŋalyqtar
