Osydan birneshe kún buryn belgili aqyn Svetqalı Nurjan áleýmettik jelidegi paraqshasynda referendýmǵa baılanysty jazǵan Muhametjan Tazabektiń óleńin synap jazǵan edi. Aqynnyń sol synyna búgin Muhametjan Tazabek jaýap berdi, dep habarlaıdy “Adyrna” ulttyq portaly.
“Svetqalı aǵam kún saıyn tań qaldyryp, sát saıyn súısindiretin, eń myqty aqynym ǵoı. Ursyp jatsa da, tópelep jatsa da, mátinniń mánisinen góri aǵamnyń aqyndyq júregi mańyzdy. Eki dúnıeniń mazmunyn tarazyǵa sap, qazaqtyń qasıetti qara óleńimen rýhyńdy terbep, pándaýı ortanyń qasańynan basqa álemniń shýaǵyna qaraı jetelep ketetin ılahı joldaǵy minezdi aǵama qurmetim bólek”-dep jazdy ol paraqshasynda.
Ol óz sózinde aqyn aǵasyna esh renish bildirmeıtinin, talaı sahnada aıtysyp, kóp adamdy “jeńgenin” jetkizdi. Sondaı-aq ol Sırııaǵa ketkenderge de, qańtar oqıǵasyna da esh qatysy joq ekenin aıtty.
”Aqqa Qudaı jaq! Nazarbaev kezeńinde de jaladan qoryqqan joqpyn, Toqaev tusynda da júregim tynysh, jolym aıqyn. Qonaevtiń batasyn aldym, Nazarbaevtiń nazarynda boldym, Toqaev orden taqty. Biraq eshqaısynyń partııasynda bolǵam joq, otbasy múshelerimen bıznes jasaǵam joq, qyzmet suraǵam joq. Ózim durys dep sanaǵan tusyna jyly sóz aıtsam, ol meniń azamattyq kózqarasym. Jaǵympazdyq dep oılasańyz - ol sizdiń kózqarasyńyz”-degen M. Tazabek jelidegi barsha adamdy tatýlyqqa, aýyzbirshilikke, Jańa Qazaqstandy damytýǵa úles qosýǵa shaqyrdy.
“Adyrna” ulttyq portaly
