Nur-Sultan qalasy Saryarqa aýdanynyń №2 aýdandyq soty qıyn ómirlik jaǵdaıdaǵy balalardy qoldaý ortalyǵynyń bas esepshisi men merdigerge qatysty aqsha jymqyrý faktisi boıynsha aıypty úkimi shyqty, dep habarlaıdy "Adyrna" ulttyq portaly.
"Ortalyqtyń bas esepshisi 2019 jáne 2020 jyldardaǵy múddesin burynǵy kúıeýi basqarǵan "Z" JShS-ne azyq-túlik ónimderin jetkizý boıynsha ótkizilgen tenderlerde azyq-túlik ónimderin naqty jetkizbeı aqsha aýdarý arqyly tabysqa keńelip otyrǵan. Olar jalpy somasy 25 862 132 teńgeniń aqshasyn jymqyrǵan", — deıdi Nur-Sultan qalasy Saryarqa aýdanynyń №2 aýdandyq sotynyń baspasóz qyzmeti.
Baspasóz habarlamasynda atap ótilgendeı, Qylmystyq kodekstiń 189-baby 4-bóliginiń 2-tarmaǵynyń sankııasynda 7 jyldan 12 jylǵa deıingi merzimge bas bostandyǵynan aıyrý túrindegi jaza qarastyrylǵan.
Sotta sottalǵandardyń kámeletke tolmaǵan úsh balasy bar ekeni, sondaı-aq 25 156 051 teńge kólemindegi zııandy erikti túrde óteý jaýapkershilik pen jazany jeńildetetin mán-jaılar retinde anyqtaldy. Ótelmegen shyǵyn kólemi 301 069 teńge.
"Adyrna" ulttyq portaly
