Memleket basshysy Esep komıtetiniń tóraǵasy Natalıa Godýnovany qabyldady, dep habarlaıdy «Adyrna» tilshisi Aqordaǵa silteme jasap.
Qasym-Jomart Toqaevqa Ulttyq qordan bólingen maqsatty transfertterdiń paıdalanylýy boıynsha júrgizilgen aýdıttiń aldyn ala qorytyndylary jóninde esep berildi. Atalǵan aýdıt aıasynda jalpy quny 290 mıllıard teńge bolatyn 20 nysan qamtyldy. Sondaı-aq Ulttyq qordan ártúrli baǵytqa bólingen 2,2 trıllıon teńge qarjynyń jumsalýyna taldaý jasalǵan.
Prezıdent Esep komıtetin Joǵary aýdıtorlyq palata retinde qaıta qurý máselelerine qatysty tapsyrma berdi.