Belgili zańger Aıgúl Orynbek mektep oqýshylarynyń oramal taǵýyna qarsy ekenin málimdedi. Bul týraly ol Facebook jelisindegi resmı paraqshasynda jazdy, dep habarlaıdy «Adyrna» tilshisi.
«Damyǵan elder ǵylymǵa, órkenıetke umtylsa, biz shúberekten árige asa almaı otyrmyz! «Balalarǵa kámelet jasyna jetpeı ata-anasy óz nanym-senimderin tyqpalap, májbúrleýge bolmaıdy» degen zańdy engizý kerek! Ár bala kámelet jasqa tolǵanda ǵana bul máseleni ózi sheshýi kerek! Ashat Aımaǵambetov myrza, balalardyń kıimimen emes, eń aldymen, bilimimen aınalysqanyńyz jón! Qolyńyzdan kelmeı me, otstavkaǵa kete salyńyz»,– dedi ol.
Aıta keteıik, buǵan deıin Bilim jáne ǵylym mınıstri Ashat Aımaǵambetov mektepte oramal taǵý máselesiniń qaralýy múmkin ekenin aıtqan bolatyn.
