Ýkraınadaǵy soǵystan Afrıka elderi qatty zardap shekti. Qurlyqqa ımporttalatyn bıdaıdyń shamamen 40%-i Reseı men Ýkraınadan tasymaldanady. Qalyptasqan jaǵdaıǵa baılanysty Afrıka odaǵyna tóraǵalyq etetin Senegal prezıdenti Reseıge kelip, Vladımır Pýtınmen astyq pen tyńaıtqysh jetkizý boıynsha kelissózder júrgizdi.dep habarlaıdy "Adyrna" ulttyq portaly "24.kz"-ke silteme jasap.
- Afrıka gýmanıtarlyq kómek surap otyrǵan joq. Bizge saýda-sattyq kerek. Biz bıdaıdy satyp alýǵa qaýqarlymyz. Biraq bul baǵytta kedergiler bolmaýy tıis, — deıdi Senegal prezıdenti, Afrıka odaǵynyń tóraǵasy Makı Sall.
Vladımır Pýtın astyq tıelgen kemelerdiń Afrıkaǵa esh kedergisiz jiberiletinin aıtty. Alaıda Kreml basshysy ol úshin Ýkraına óz kemejaılaryn mınadan tazartýy kerek deıdi. Aıtýynsha, álemdik naryqtaǵy qıyndyqtar pandemııa kezinde bastalǵan. Iaǵnı bul burynnan bar másele ekenin eske saldy.
- Ýkraınadan ózge elderge astyq alyp shyǵarýǵa biz kedergi keltirip jatqan joqpyz. Ony tasymaldaýdyń birneshe joly bar. Máselen, Odessa sekildi Ýkraına qarýly kúshteriniń baqylaýyndaǵy kemejaılar arqyly nege shyǵarmasqa? Onda barar joldarǵa jarylǵysh zattar qoıyp tastaǵan biz emes qoı. Sondyqtan taǵy da aıtamyn - mınalar zalalsyzdandyrylsyn. Al biz óz tarabymyzdan kemelerdiń halyqaralyq sýda qaýipsiz qatynaýyn qamtamasyz etemiz, — dedi Reseı Prezıdenti Vladımır Pýtın.
Ýkraına jaǵy Odessa kemejaıynan eksporttyń qaıta jandanýyna qajetti jaǵdaı jasaýǵa daıyn ekenderin aıtady. Alǵashqy qadam retinde Kıev Máskeýden taqaý mańdaǵy áskerin áketýin jáne shabýyl jasamaýǵa kepildik berýin talap etip otyr.
- Reseı ókilderi Ýkraınany aıyptap otyr. Olar Afrıkadaǵy ashtyqty Ýkraınadaǵy qarýly qaqtyǵystyń bastalýymen emes, Batys elderiniń sankııalarymen baılanystyryp otyr, — deıdi Ýkraınanyń buu janyndaǵy turaqty ókili Evgenııa Fılıpenko.
BUU málimetine sáıkes, astyq qunynyń mamyrdaǵy ındeksi keıingi 14 jylda bolmaǵan kórsetkishterge jetken. Bıdaı osymen tórt aı boıy qymbattap keledi. Sarapshylardyń aıtýynsha, soǵys jalǵasyp, Ýkraına men Reseıden bıdaı, júgeri men suıyq maıdyń eksporty qysqarsa, jyl sońyna deıin álemde 18 mln adam ashtyq zardabyn tartýy múmkin.
"Adyrna" ulttyq portaly
