SDÝ-da ALLVET oqý-zerthanasy ashyldy

3058
Adyrna.kz Telegram

 Sýleıman Demırel atyndaǵy ýnıversıtet kolledj muǵalimderine arnalǵan sabaqtar ótkizetin bolady. Bul týraly ýnıversıtet rektory Davronjon Gaıpov ALLVET oqý-zerthanasynyń ashylý saltanatynda aıtty.

«Ýnıversıtetimizde Erasmus+ baǵdarlamasy ALLVET jobasynyń aıasynda oqý-zerthanasyn ashyp otyrmyz. Munda tehnıkalyq jáne kásiptik bilim berý uıymdarynyń oqytýshylaryna ECTS júıesi boıynsha kolledjdegi bilim proesterin ázirleý: sıllabýs daıyndaý, sabaqtyń qajettilikterin anyqtaý, úırený maqsattary men nátıjelerin boljaý, baǵalaý t. b. taqyryptar boıynsha sabaq beriledi. Kolledj muǵalimderine arnalǵan trenıngterdi SDÝ oqytýshylary júrgizedi. Aldaǵy ýaqytta joba aıasynda atqaralatyn jumystar nátıjeli bolady degen úmittemin. Sondaı-aq zerthanany ýnıversıtet oqytýshylary da paıdalana alady. Mundaı halyqaralyq jobalarǵa belsendi túrde qatysýymyz kerek, bizde bar múmkindikterdi tıimdi paıdalaný qajet. Qyzmetkerlerimizdiń ıdeıalaryn, jobalaryn qoldaýǵa daıynbyz», – dedi rektor.

SDÝ Halyqaralyq qatynastar ofısiniń dırektory Ádiljan Anaıdyń aıtýynsha, mundaı oqý-zerthanasy Qazaqstan boıynsha úsh ýnıversıtette bar.

«ALLVET oqý-zerthanasy elimiz boıynsha tek Narhoz jáne Halyqaralyq IT ýnıversıtetinde ǵana bar edi. Endi ýnıversıtetimiz solardyń qataryna qosyldy. Onlaın sabaqtar, kezdesýler ótkizý maqsatynda mýltımedıalyq teledıdar qoıyldy jáne jumys isteýge yńǵaıly sensorlyq taqta ornatyldy. Sondaı-aq zerthana ishindegi noýtbýkter arnaıy kod boıynsha ashylatyn uıashyqtarda turady», – dep túsindirdi ol.

Shara barysynda Padlet jáne ZipGrade qosymshalary tanystyryldy. Padlet qosymshasynyń Timeline fýnkııasy oqytýshylarǵa sıllabýstaǵy tapsyrmalardy bilimgerlerge vızýaldy formatta usynýǵa múmkindik beredi. Al ZipGrade qosymshasy oqytýshylarǵa test jaýaptaryn skanerleý arqyly tez ári jeńil tekserýge múmkindik beredi. Skanerden ótkizgende qosymsha qansha suraq durys ekenin birden paıyzdyq mólsherlememen kórsetedi jáne PDF nusqada analız usynady.

Pikirler