Toqaev EQYU tóraǵasy, Polshanyń Syrtqy ister mınıstri Zbıgnev Raýdy qabyldady

1860
Adyrna.kz Telegram
Foto: akorda.kz
Foto: akorda.kz
Qasym-Jomart Toqaev aımaqtarǵa sapary aıasynda elimizge kelgen Eýropadaǵy qaýipsizdik jáne yntymaqtastyq uıymynyń qazirgi tóraǵasy, Polshanyń Syrtqy ister mınıstri Zbıgnev Raýdy qabyldady, dep habarlaıdy "Adyrna" ulttyq portaly "Aqordaǵa" silteme jasap.
Qasym-Jomart Toqaev Zbıgnev Raýǵa iltıpat bildire otyryp, Qazaqstannyń Polshamen jáne osy Uıymmen aradaǵy yntymaqtastyqty nyǵaıtý úshin onyń bul saparynyń mańyzy zor ekenin atap ótti. Sonymen qatar Memleket basshysy jalpyulttyq referendýmǵa daıyndyq barysy týraly aıtyp, EQYU-nyń osy mańyzdy sharaǵa baǵa berý úshin óz Mıssııasyn jiberý jónindegi sheshimin qoldady.

– Referendým – elimizdegi mańyzdy saıası ózgerister úderisiniń bastamasy. Qazaqstanda demokratııany ilgeriletý jumystary úzdiksiz jalǵasa beredi, – dedi Prezıdent.

Qasym-Jomart Toqaev pen Zbıgnev Raý Uıymnyń áskerı-saıası, ekonomıkalyq-ekologııalyq jáne gýmanıtarlyq baǵyttardaǵy yqpaldastyǵyn jan-jaqty talqylady.

Qazaqstan Prezıdenti Polshamen aradaǵy ekijaqty yntymaqtastyq jóninde aıta kele, osy eldi Ortalyq Eýropa aımaǵyndaǵy mańyzdy seriktes retinde qarastyratynyn jetkizdi.

– 2021 jyldyń qorytyndysy boıynsha ózara taýar aınalymy 12 paıyzǵa artyp, 760 mıllıon dollarǵa jetti.  Ózara saýda-sattyqty ulǵaıtý úshin múmkindigimiz mol, – dedi Qazaqstan kóshbasshysy.

Eýropadaǵy qaýipsizdik jáne yntymaqtastyq uıymynyń qazirgi tóraǵasy Prezıdent Qasym-Jomart Toqaevtyń basshylyǵymen júzege asyrylyp jatqan aýqymdy saıası jáne ekonomıkalyq reformalardy joǵary baǵalady.

–  Meniń baǵalaýym boıynsha, aldaǵy referendým Konstıtýııaǵa ózgerister engizý, halyqtyń áleýmettik ál-aýqatyn arttyrý jáne naryqtyq reformalardy ilgeriletý jónindegi Sizdiń kúsh-jigerińiz turǵysynan úlken serpilis sanalady. Aldaǵy referendým – oń ózgeristerge jol ashatyn saıası erik-jigerdiń aıryqsha belgisi. Sizdiń elińizdegi konstıtýııalyq reformalar demokratııa, bostandyq jáne zań ústemdigi qaǵıdattaryn nyǵaıtýǵa baǵyttalǵanyn atap ótkim keledi, – dedi polıak dıplomaty.

Zbıgnev Raý elimizdegi dinı qaýymdastyqtar jáne azamattyq qoǵam ókilderimen ótkizgen kezdesýleri týraly málimdedi. Sondaı-aq ol ultaralyq jáne konfessııaaralyq kelisimniń qazaqstandyq modeline joǵary baǵa berip, Qazaqstanda turatyn polıak dıasporasyna turaqty qoldaý kórsetip kele jatqany úshin Qasym-Jomart Toqaevqa rızashylyǵyn bildirdi.

 

"Adyrna" ulttyq portaly

Pikirler