Rýdnyıda 15 jastaǵy qyz sýǵa batyp ketti. Bul týraly Qostanaı oblysynyń tótenshe jaǵdaılar departamenti málimdedi, dep habarlaıdy «Adyrna» tilshisi.
Vedomstvonyń aıtýynsha, qaıǵyly oqıǵa 29 mamyrda bolǵan.
«Saǵat 19:15-te Tobyl ózenindegi Parkovaıa kóshesiniń ákimshilik aýmaǵynda 2007 jyly týǵan jasóspirimniń denesi tabyldy. Tótenshe jaǵdaılar departamentiniń jedel-qutqarý jasaǵynyń kúshimen sýdan shyǵaryldy»,- delingen habarlamada.
Aıta keteıik, jasóspirim tyıym salynǵan jerde shomylǵan.
«Adyrna» ulttyq portaly
