Búgin Almaty qalasynda Halyqaralyq Túrki akademııasy, ál-Farabı atyndaǵy Qazaq ulttyq ýnıversıteti jáne Islam Yntymaqtastyǵy Uıymynyń Ǵylymı jáne tehnıkalyq yntymaqtastyq jónindegi turaqty komıtetiniń (COMSTECH) birlesip uıymdastyrýymen «Ál-Farabı - Iqbal» halyqaralyq forýmy ótti.
Plenarlyq otyrys aldynda jıynǵa qatysýshylar pákistandyq qylqalam sheberleri forýmǵa arnaıy daıyndaǵan "Islam kallıgrafııasy" atty kórmeni tamashalady.
Forýmnyń saltanatty ashylýyna Halyqaralyq Túrki akademııasynyń prezıdenti Darhan Qydyráli, IYU Ǵylym jáne tehnologııalar jónindegi turaqty komıtetiniń (COMSCTECH) Bas úılestirýshisi Iqbal Chaýdharı, ál-Farabı atyndaǵy Qazaq ulttyq ýnıversıtetiniń Basqarma Tóraǵasy-rektory Janseıit Túımebaev, QR Bilim jáne ǵylym mınıstriniń orynbasary Qýanysh Erǵalıev, TÚRKSOI uıymynyń Bas hatshysy Sultan Raev, Pákistan Senatynyń adam quqyqtary jónindegi turaqty komıssııasynyń tóraǵasy Ýalıd Iqbal, Azııadaǵy ózara yqpaldastyq jáne senim sharalary jónindegi keńesiniń (AÓSShK) Hatshylyǵynyń atqarýshy dırektorynyń orynbasary Chı Fang, Qazaqstan Respýblıkasynyń Pákistan Islam Respýblıkasyndaǵy Tótenshe jáne Ókiletti Elshisi Erjan Qystafın, Pákistan Islam Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Sadjad Ahmed Sıhar, Túrkııa Respýblıkasynyń Qazaqstandaǵy Tótenshe jáne Ókiletti Elshisi Ýfýk Ekıdjı qatysyp, sóz sóıledi.
Oflaın jáne onlaın formatta ótken alqaly jıynǵa Túrki elderi men IYU-ǵa múshe elderdiń gýmanıtarlyq sala ǵalymdary, shyǵarmashylyq zııaly qaýym ókilderi, dıplomatııalyq jáne depýtattyq korpýsynyń qyzmetkerleri, sarapshylary qatysty.
Forým aıasynda Túrki akademııasynyń ázerbaıjan tilinde ázirlegen Muhammed Ikbaldyń «Islam Dusuncesinin Rekonstruksiyasi» (Islamdyq oıdy qaıta qurý) kitabynyń, sonymen qatar 2020 jyly Islamabadta ótken Ál-Farabı jahandyq forýmy materıaldarynyń aǵylshyn, qazaq, orys tilderinde jaryq kórgen jınaǵynyń, ál-Farabıdiń «Mýzyka týraly úlken traktat» atty eńbeginiń túrik tilinde jaryq kórgen nusqasynyń (El-Farabi Kitabu’l Musika’l-Kebir) jáne ýrdý tilindegi «Ikbal enıklopedııasy» atty eńbektiń tusaýkeseri ótti.
Sonymen qatar, alqaly jıynda Akademııa basshysy D. Qydyráli COMSCTECH) Bas úılestirýshisi Iqbal Chaýdharıdi Túrki álemniń yntymaqtystyǵyn arttyrýdaǵy úlesi úshin Túrki akademııasynyń Altyn medalimen marapattady.
Forýmnyń plenarlyq otyrysy Ikbal fılosofııasy: ótkeni, búgini, bolashaǵy, Ikbal fılosofııasy men poezııasynyń jahandyq áseri, HHI ǵasyr syn-qaterleri jáne tehnologııa taqyryby boıynsha sessııalarmen jalǵasty.
Sekııalyq otyrysqa Ázerbaıjan, Qazaqstan, Qyrǵyzstan, Túrkııa, Pákistan, Ulybrıtanııa, Reseı, Tájikstan jáne IYU-ǵa múshe elderdiń tanymal ǵalymdary men sarapshylary qatysyp, zertteý taqyryptary boıynsha baıandamalar jasady.
Aıta ketý kerek, 2020 jyly Islam Yntymaqtastyǵy Uıymynyń Turaqty komıtetiniń (COMSTECH) uıytqy bolýymen, Pákistan astanasy Islamabadta ál-Farabıge arnalǵan aýqymdy is-shara uıymdastyrǵan bolatyn.
«Ál-Farabı-Ikbal» forýmy QR Prezıdenti Qasym-Jomart Toqaevtyń Túrki memleketteri uıymynyń VIII samıttindegi ǵylym men tehnologııany nyǵaıtý jónindegi tapsyrmasy sáıkes uıymdastyrylyp otyr.
Bul rette Forým Farabı men Ikbaldyń jahandyq ǵylymǵa qosqan úlesi men qos ǵulamanyń rýhanı sabaqtastyǵyn jańa deńgeıge kóteretin alǵashqy aýqymdy shara.
"Adyrna" ulttyq portaly.
