«Qazaqfılmde» Asanáli Áshimovti mereıtoıymen quttyqtap, tulpar mingizdi

1825

«Qazaqfılm» kınostýdııasynda qazaq kınosynyń abyzy, Keńes Odaǵynyń jáne Qazaqstannyń halyq ártisi, Qazaqstannyń Eńbek Eri Asanáli Áshimovtyń 85 jasqa tolýyna oraı  saltanatatty shara ótti, dep habarlaıdy «Adyrna» tilshisi.

Jaqynda ǵana mereıtoıyn atap ótken daryn ıesi ulttyq kınematografııanyń altyn qoryna engen Sultan Qojyqovtyń «Qyz Jibek», Sháken Aımanovtyń «Atamannyń aqyry», Májit Begalınniń «Tulpardyń izi», Hýat Ahmetovtyń «Ka myrza, Siz kimsiz?» jáne basqa da kóptegen fılmderdi jaryqqa shyǵarǵan qazaq kınosynyń qara shańyraǵy – «Qazaqfılm» kınostýdııasynda óziniń mereıtoıyn ónerdegi áriptesteri men jaqyndarynyń ortasynda atap ótti.

Saltanatty sharany ashqan «Qazaqfılmniń» prezıdenti Aqan Sataev Asanáli Áshimovty 85 jasqa tolýymen quttyqtaı otyryp, qazaq kınosynyń ańyzy atanǵan akterdiń elimizdiń mádenıetine qosqan erekshe úlesi týraly aıtyp, oǵan uzaq ǵumyr, zor densaýlyq jáne otbasyna baq-bereke tiledi.

Kesh sońynda qazaqtyń salt-dástúri boıynsha Asanáli Áshimovke qurmet kórsetilip, asyl tuqymdy tulpar tartý etildi. Sonymen qatar, mereıtoı ıesine rejısser retinde túsirgen jáne ózi túsken kartınalardan quralǵan fılmder jıyntyǵy syıǵa berildi. Aıta ketsek, olardyń qatarynda Asanáli Áshimovtyń mereıtoıyna oraı «Qazaqfılm» kınostýdııasy túsirgen rejısser Tólegen Nuqytovtyń «Ómirim-ónerim» atty derekti fılmi de bar.

Mereıtoı ıesin quttyqtaýǵa kınostýdııa qyzmetkerlerimen qosa ónerdegi áriptesteri men shákirtteri, atap aıtsaq, belgili rejısser Bolat Qalymbetov, T.Júrgenov atyndaǵy Qazaq Ulttyq óner akademııasynyń rektory Azamat Satybaldy, Nomad Stunts kaskaderler tobynyń jetekshisi Jaıdarbek Kúnǵojınov, Baýyrjan Qaptaǵaı, Aıdos Bektemirov syndy akterler kelip, jyly lebizderi men tilekterin bildirdi.

Pikirler
Redakııa tańdaýy