Atyraýda joǵary synyp oqýshylary 14 jastaǵy balany aıaýsyz soqqyǵa jyqqan (VIDEO)

7130
Adyrna.kz Telegram

Atyraý oblysy Isataı aýdany Isataı aýylynda 8-synyp oqýshysyn joǵary synyptyń uldary aıaýsyz soqqyǵa jyqqan. Sonyń saldarynan jasóspirim túrli dene jaraqatymen aýdandyq aýrýhanaǵa jetkizildi, dep habarlaıdy «Adyrna» tilshisi «Aq Jaıyq» basylymyna silteme jasap.

Jasóspirimniń anasy Gúlzada Mýsaǵalıvanyń aıtýynsha, oqıǵa 20 mamyr kúni kúndiz bolǵan. Fýtbol oınaýǵa ketken eken balasy úıine soqqyǵa jyǵylyp kelgen.

«Otbasymyzda úsh balamyz bar. Kenje balam Muhanbet fýtboldan birtúrli denesin aýyrsynyp kelgendeı boldy. Ne boldy dep suraǵanymda oınap júrip, qulap qaldym dedi. Sodan soń jatyp qaldy. Keıin tamaqqa turǵyzǵanymyzda oryndyqta durys otyra almady, birtúrli dirildep otyrǵandaı edi. Ertesine de balam selsoq, jata berdi. Sol kezde ústindegi kógergen izderdi kórip shoshyp kettim. Dereý «jedel járdem» men polıııany shaqyryp, aryz túsirdim», - deıdi G. Mýsaǵalıeva.

Dárigerler jasóspirimdi aýdannan oblys ortalyǵyna alyp ketken. Sol jerde oǵan «oń jaq ıyqtyń kóptegen jumsaq tinderiniń kógerýi, bel jáne júrek qýysynyń jaraqaty» degen dıagnoz qoıǵan.

«Balama buǵan deıin de álimjettik jasalǵan edi. Birde 9-synyp oqýshylary mekteptiń kıim sheshetin jeriniń esigin syndyryp tastap, «Sen syndyrdym dep aıtasyń» dep qorqytqan. Balam mektep dırektoryna túsinikteme jazǵan. Biraq mektep ujymy munyń bireýin maǵan aıtqan joq, men bireýlerden estip baryp, aq-qarasyn sheshýdi suradym. Buǵan biraq mektep ákimshiligi beı-jaı qarap, jaýapsyz qaldyrdy. Aınalyp kelgende jaǵdaı ýshyǵyp, osyǵan deıin jetip otyr. Mekteptiń psıhology ne qarap otyr, sharasyn alyp, túsindirme jumystaryn júrgizbeı me? Negizi balamdy 9 bala uryp-soqqan. Ekeýi 9-synyp oqýshylary, qalǵany – synyptastary. Dostaryn qorqytyp, balamdy bári jabylyp urýǵa májbúrlegen. Búginde balalardyń áke-shesheleri kelip keshirim suraýda. Men keshirermin, balalardy sottatyp ne tabamyn? Biraq munyń aıaqsyz qalýyn taǵy qalamaımyn. Mektep te jaýap bersin», - deıdi ana.

Isataı orta mektebiniń dırektory Aıgúl Ádilbaeva «Bul ispen polıııa aınalysýda, tergeý aıaqtalmaıynsha men eshteńe aıta almaımyn» dep qysqa qaıyrdy.

Atyraý oblystyq PD baspasóz qyzmeti málimdegendeı, 21 mamyrda 2007 jyly týǵan jasóspirimniń soqqyǵa jyǵylǵany týraly ata-anasynan aryz túsken. Kúdikti retinde Isataı orta mektebiniń 9-synyp oqıtyn eki oqýshysy anyqtaldy. QR QK 107- baby («Densaýlyqqa qasaqana ortasha aýyrlyqtaǵy zııan keltirý») boıynsha sotqa deıingi tergeý amaldary bastalyp, saraptamalar taǵaıyndalǵan.

Pikirler