Bügın Almatyda «Venalyq bal» formatynda soŋǧy qoŋyrau öttı. «Zerde» mektebınıŋ 15 jyldyq mereitoiy aiasynda ūiymdastyrylǧan şaraǧa 400 oquşy qatysty.
Mekteptıŋ negızın qalauşysy Gauhar Nūrovanyŋ aituynşa, jaqynda taǧy bır qazaq tıldı zamanaui jaŋa mektep aşylady.
«Zerde» mektebınıŋ aşyluyna tūŋǧyş balamyz äser ettı. Ony Almatydaǧy jekemenşık mektepterdıŋ bırıne ornalastyrdyq. Ökınışke qarai, keiın ol jabylyp qaldy. Balamnyŋ synyp jetekşısı bızge jekemenşık mektep aşuǧa keŋes berdı. Aqyldasa kele, joldasym ekeuımız ideiany jüzege asyrudy jön kördık. Bügınde «Zerde» mektep-gimnaziiasy elımızdıŋ bılım beru naryǧynda öz orny bar oqu ornyna ainaldy. Jaqynda jaŋa qazaq tıldı jaŋa mektep aşudy josparlar otyrmyz», – dedı mekteptıŋ damu jönındegı direktory.Biyl qyrküiek aiynda ıske qosylatyn «Zaman school» mektebı «Zerde» mektebınıŋ dästürın jalǧastyratyn bılım beru ūiymy bolmaq. Mektep direktory Küljan Sadueva mektep ūlttyq salt-dästürdı saqtai otyra balaǧa zamanaui talaptarǧa sai bılım beretının aitty.
«Zaman school – 590 orynǧa şaqtalǧan jaŋa formattaǧy qazaq tıldı mektep. Qazaqtyŋ dästürıne sai tärbie berudı josparlar otyrmyz. Zaman talabyna sai matematika men aǧylşyn tılı pänderı tereŋdetılıp oqytylady. Orta jäne bastauyş mekteptıŋ baǧdarlamasynda matematika pänı singapurlyq ädıspen jäne ǧylym sabaqtary Kembridj universitetınıŋ jüiesı boiynşa jürgızıledı. Sondai-aq joǧary synyp oquşylaryn IELTS, TOEFL jäne SAT halyqaralyq emtihandaryna qarqyndy türde daiyndaimyz. Mekteptıŋ arhitekturasy aǧylşyn stilınde jasalǧan», – dedı ol.Onyŋ aituynşa, mektep Ile Alatauynyŋ bauraiynda ornalasqan jäne Almaty qalasyndaǧy eŋ maŋyzdy 10 jobanyŋ qataryna engen. Akademiialyq bılımı tereŋdetılgen mektepte robototehnika, şahmat, qarjylyq sauattylyq boiynşa sabaqtar jürgızıledı. Sondai-aq ūlttyq qūndylyqtardy saqtau, qazaqtyŋ önerın nasihattau maqsatynda dombyra sabaǧy jürgızıledı, ūlttyq sport türlerı, oiyndar oinatylady.
