Batys Qazaqstan oblysy boıynsha Memlekettik kirister departamentiniń bas mamany para aldy degen kúdikke ilindi, dep habarlaıdy «Adyrna» tilshisi.
«BQO boıynsha Sybaılas jemqorlyqqa qarsy qyzmetimen sotqa deıingi tergep-tekserý sheńberinde Memlekettik kirister departamentiniń bas mamany áshkerelendi, ol «J» JShS dırektorynan JShS paıdasyna salyqtyq tekserýdiń oń aktisin shyǵarǵany úshin asa iri mólsherde 40 mln.teńge para aldy dep kúdiktelýde.
Kúdiktige qatysty «kúzetpen ustaý» bultartpaý sharasy qoldanyldy»,— delingen habarlamada.
Tergeý múddesinde jáne QR QPK 201-babynyń tártibinde sotqa deıingi tergep-tekserýdiń ózge de derekteri jarııa etýge jatpaıdy.
Kúdiktige qatysty kinálilik dárejesin anyqtaýmen túpkilikti sheshimdi sot qabyldaıdy.
