Memleket basşysy Sybailas jemqorlyqqa qarsy ıs-qimyl agenttıgınıŋ töraǧasy Oljas Bektenovtı qabyldady, dep habarlaidy «Adyrna» tılşısı Aqordaǧa sılteme jasap.
Qasym-Jomart Toqaevqa elımızdegı sybailas jemqorlyqqa qarsy ıs-qimylǧa qatysty qabyldanyp jatqan şaralar jönınde esep berıldı.
Agenttıktıŋ deregı boiynşa biylǧy 5 aidyŋ ışınde sybailas jemqorlyqqa qatysty 1000-nan astam qylmystyq ıs tırkelgen. 600-den astam lauazymdy tūlǧanyŋ jemqorlyq äreketı äşkerelengen. Olardyŋ 110-y – ärtürlı deŋgeidegı basşylar.Oljas Bektenov memleketke keltırılgen zalaldyŋ öteluın qamtamasyz etu jönındegı Prezident tapsyrmasynyŋ oryndalu barysy turaly mälımet berdı. Jyl basynan berı el biudjetıne 220 milliard teŋgeden astam qarjy qaitaryldy. Memleket basşysyna Agenttıktıŋ bizneske zaŋsyz aralasudan qorǧau tetıkterın qalyptastyru üşın şaralar qabyldaǧany jönınde baiandaldy. Is-qimyl algoritmı äzırlengen. Soǧan säikes tergep-tekserudıŋ bastaluy men käsıpkerlerge qatysty kez-kelgen tergeu amaldary ortalyq apparattyŋ kelısımı arqyly jüzege asyryluǧa tiıs. Sonymen qatar «Atameken» Ūlttyq käsıpkerler palatasymen bırlesıp, memlekettık organdardyŋ bizneske zaŋsyz aralasu faktılerıne jedel nazar audaratyn jūmys toby qūryldy. Kezdesu soŋynda Qasym-Jomart Toqaev sybailas jemqorlyqqa qarsy jūmystardy küşeitu jönınde bırqatar naqty tapsyrma berdı.
«Adyrna» ūlttyq portaly
