Qazaqstan boksshysy Jánibek Álimhanuly (11-0, 7 KO) brıtandyq Dennı Dıgnýmdy (14-0-1, 8 KO) nokaýtqa jiberip, WBO nusqasy boıynsha orta salmaqtaǵy "ýaqytsha" álem chempıony ataǵyn jeńip aldy, dep habarlaıdy "Adyrna" ulttyq portaly "Zakon.kz"-ke silteme jasap.
Óz mansabynda jeńilip kórmegen boksshylar Las-Vegasta (AQSh, Nevada) Resorts World Las Vegas oıyn-saýyq kesheniniń arenasynda qolǵap túıistirdi.
Jekpe-jektiń alǵashqy mınýttarynan bastap qazaqstandyq aǵylshyndy tyqsyra qýyp, birinshi raýndta-aq nokdaýnǵa túsirdi.
Jánibek sheshýshi soqqyny ekinshi raýndta jasap, Dennı Dıgnýmdy nokaýtqa jiberdi.
Qazaqstan boksshysy osylaısha WBO nusqasy boıynsha orta salmaqtaǵy "ýaqytsha" álem chempıony ataǵyn jeńip aldy. Al brıtandyqqa kásibı deńgeıdegi mansabyndaǵy alǵashqy jeńilisin qabyl alýǵa týra keldi.
Dıgnýmdy sulatyp salǵan qazaq eki álem chempıony – Charlo Djermell men Demetrıýs Andradany rıngte kútetinin málimdedi.
"Adyrna" ulttyq portaly.
