Qazaqstandy nysanaǧa alǧan Keosaiannyŋ kuratory kım ekendıgı anyqtaldy, dep habarlaidy "Adyrna" ūlttyq portaly.
https://t.me/dalainside telegramm kanaly mälımetıne süiensek, erlı-zaiypty Simonian men Keosaian Prezident äkımşılıgı jetekşısınıŋ bırınşı orynbasary Aleksei Gromovqa baǧynady. Putindık propaganda dep atalatyn ekojüienıŋ «jaiau äskerıne» jön sıltep, baǧyt-baǧdar beretın däl osy – Gromov. Kreml kuluarynda ony «Kurator» deidı.
Būlardyŋ öz arasynda «asa qūpiia taqyryptardy» talqylaityn «sary telefon» bar. Eşkımge tiıspei tynyş jatqan Qazaqstanǧa soqtyǧu turaly būiryq osy «sary telefonnan» tüsken. Tigrannyŋ aldyndaǧy mätın de Gromovtyŋ maqūldauynan ötken.
Körşı-qolaŋǧa küie jaǧatyn aqparat Tigran tärızdı propagandisterge «sary telefon» arqyly jetedı.
Al Gromov kım? Ol — memlekettık qūpiia sanatyndaǧy mälımettıŋ syrtqa taralmauyn, azat oily, täuelsız kontenttıŋ zombilanǧan orys qoǧamyna ötıp ketpeuın baqylaityn tūlǧa. Putindı pır tūtatyn aqparattyq saiasattyŋ töbe basynda tūr. Kremlge baǧynyşty BAQ-tyŋ jūmysyn jüieleitın de sol.
Gromov Margarita Simonian basşylyq etetın Russia Today-dyŋ negızın qalauşylardyŋ bırı. Kremldıŋ pulyna kırgen Simoniandy qolynan jetektep RT-ǧa ertıp äkelgen de, keiınnen «Rossiia segodnia» agenttıgınıŋ tızgının ūstatqan da özı.
Simonian — Gromovtyŋ sybailasy. 2013 jyly äielınen ajyrasyp, Margaritanyŋ qūşaǧyna kırgen Tigran Keosaian da Gromovtyŋ senımdı adamdarynyŋ sapynda. Propagandaǧa bölıngen asta-tök aqşany osy «üştık» bırıgıp igeredı. Kreml kösemımen 1988 jyly Pragada tanysqan. Aldymen Elsinnıŋ, keiın Putinnıŋ baspasöz hatşysy (Peskovke deiın) boldy. 2000-şy jyldardyŋ bas kezınde täuelsız NTV arnasyna basa-köktep kırıp, arnany Putinge tartyp äperuge atsalysty.
Medianaryqqa bölıngen milliardtar aldymen Gromovtyŋ ämiianyna auady, artynan Sisiasian, Keosaian sekıldı ügıt-nasihatşylarǧa ülestırıledı. Gromovty beiresmi «Propaganda ministrı» dep te ataidy.
Bızge jetken mälımet boiynşa Kreml kösemıne qajettı «daidjestı» daiyndaityn Gromov Keosaiannyŋ auzymen aitylǧan ala-qūla aqparatty Putinnıŋ aldyna alyp barǧan.
Toq eterın aitqanda, Qazaqstanǧa jasalǧan aqparattyŋ şabuyldyŋ artynda Reseidıŋ Prezident äkımşılıgı tūr. Gromovtyŋ taǧy da qandai provokasiiaǧa barary belgısız.
"Adyrna" ūlttyq portaly
