Qoǵam belsendisi Býrahan Daqanov Aqan seri Qoramsaulynyń jatqan jerine baryp, zıratynyń qaraýsyz qalǵanyn aıtty, dep habarlaıdy «Adyrna» tilshisi.
«Seriniń basyna kelgende shynymen kóńilim tústi. Seri, seri dep atyn aıtyp, kitapqa atyn jazǵanda, óleńderin aıtqanda, balamyzǵa atyn qoıǵanda sondaımyz. Al zıratyna kelsek, ne shyraqshysy joq. Ne bir dem alyp, kerek bolsa túneıtin birdemesi joq. Tym bolmasa dáret syndyratyn dárethanasy da joq. Qulyptasyn yńǵaısyz jasap qoıypty, jaqyndaýǵa múmkindik joq, syrtyna jańa qulyptas ornatý kerek. Onyń ústine mańyndaǵy aýyldary da bosap barady eken. Adamy da az, jaıylǵan mal da az.. Qysqasy, orman kóli kóp Tereńkól, Mádenıet, Jumysshy aýyldaryna tez arada jappaı adam kóshirip, myna jaqtan at sporty federaııasynyń birdeńesin jasaý kerek. Yrymshyl, maqtanshaq halyqpyz, sol yrymshyldyqty paıdalanaıyq. Qulager shapqan, ıesi jatqan myna qasıetti mekende áli de talaı shabandozdy, ushqyr tulparlardy týdyrýǵa bolady. Men oǵan senemin»,– dedi ol.
«Adyrna» ulttyq portaly
