Otan qorǵaýshylar kúni Qarýly kúshterdiń Memlekettik áskerı-tarıhı mýzeıinde Uly Otan soǵysy jyldaryndaǵy muraǵat qujattaryn saltanatty túrde mýzeı qoryna tapsyrý rásimi ótti, dep habarlaıdy «Adyrna» tilshisi vedomstvonyń baspasóz qyzmetine silteme jasap.
Dokýmentalıst, sarapshy Aqmaral Batalova olardy Reseı Federaııasy Qorǵanys mınıstrliginiń Ortalyq muraǵatynan aldy.
Atalǵan biregeı materıaldar 1945 jyly 30 sáýirde Reıhstagqa Jaýyngerlik tý tikken Raqymjan Qoshqarbaev pen Grıgorıı Býlatovtyń erliginiń aıǵaǵy.
Is-sharaǵa Qazaqstan tarapynan Bas shtab bastyǵynyń orynbasary – Tárbıe jáne ıdeologııalyq jumystar departamentiniń bastyǵy general-maıor Serik Borambaev qatysty. Reseı Federaııasynyń atynan Qazaqstan Respýblıkasyndaǵy Tótenshe jáne Ókiletti Elshi Alekseı Borodavkın boldy.
– Bul oqıǵa táýelsiz Qazaqstannyń Qarýly kúshteri úshin ǵana emes, búkil el úshin mańyzdy. Raqymjan Qoshqarbaev pen Grıgorıı Býlatovtyń erligi – jalpyǵa málim fakt, degenmen endi áskerı mýzeıde olardyń batyrlyǵy men qaısarlyǵyn aıǵaqtaıtyn qujat saqtalady, – dedi general-maıor Serik Borambaev.
Qatysýshylar osyndaı shara Uly Otan soǵysynyń batyrlaryn máńgi jadymyzda saqtaý úshin mańyzdy oqıǵa jáne óskeleń urpaqty áskerı-patrıottyq tárbıeleýdegi alar orny erekshe ekenin atap ótti.
«Adyrna» ulttyq portaly
