Nur-Sultan qalasynda turǵyn úı qurylysynyń jumysyna halyq qarsy shyǵýda, dep habarlaıdy "Adyrna" tilshisi. Kópshiliktiń aıtýynsha qurylys kompanııasy erejelerdi buzyp, halyq kóp júretin aımaqtarda kranmen aýyr zattardy kóterip ótetin kórinedi. Tipti, sóıtip júrip aýyr qurylys materıaly tóbeden qulap ketip, jumys júrgizilip jatqan terrıtorııanyń dýalyn qıratyp túsken.
"Adyrna" redakııasyna kelip túsken habarlamada aıtylǵandaı, Uly Dala-Qabanbaı batyr kóshelerniń qıylysynda "Bazıs" JShS júrgizip jatqan jańa "Zańǵar" turǵyn úıiniń qurylys jumystary birneshe márte zańsyz áreketter jasap, erejeni elemeı, turǵyndardyń ómirine qaýipti jaǵdaıda jumys júrgizýde.
"Ereje boıynsha, qurylys jumystary adamdar júretin aımaqtar 50 m araqashyqtyqta bolýy tıis. Al bulardikin qarańyz. Janynda №85 mektep ornalasqan. Kún saıyn qansha bala myna jolmen júrip ótedi. Bir kúni álgi aýyr dúnıeleri qulap ketip, balalarymyz jazym bola ma dep qorqamyz. Sóıtip júrgende-aq, bireýi qulap úlgeripti. Qudaı saqtap, dýaldarynyń ústine qulap, terrıtorııalarynyń shekarasyn qıratyp túsipti" deıdi jábirlenýshi tarap.
Odan bólek jarııalanymdardaǵy aryz-hattarda mynadaı zań buzýshylyqtardyń oryn alǵany aıtyldy:
1. Qurylys aýmaǵynan tys Krannyń aýyr júkterdi adamdardyń ústinen alyp júrýi;
2. Túnde de jumystar júrgizilýde;
3. Sáýlet normalaryna qatysty, qujattar normalarǵa sáıkes kelmeıdi;
4. Syzyqtyq qashyqtyq 10 metrden aspaıdy (zańǵa sáıkes 40-50 m deıingi qashyqtyq bolýy tıis);
5. 28.04.2022 jyly polıııa shaqyrtylyp, Krokýs turǵyn úıiniń 140-páterine Kran kirip ketkeni týraly málimdeme jasalǵan bolatyn.
“Adyrna” ulttyq portaly
