«AMANAT» partiiasy – Prezidenttıŋ Jaŋa Qazaqstandy qūrudaǧy negızgı tıregı – E. Qoşanov

Bügın «AMANAT» partiiasynyŋ Töraǧasy Erlan Qoşanov ūiymnyŋ  Ortalyq apparatynda fraksiia müşelerınıŋ, öŋırlık filialdar atqaruşy hatşylarynyŋ, qoǧamdyq keŋester basşylarynyŋ jäne apparat qyzmetkerlerınıŋ qatysuymen jiyn ötkızdı.  Erlan Qoşanov Memleket basşysy Qasym-Jomart Toqaevtyŋ Qazaqstan halqyna Joldauynda aitylǧan reformalar barlyq saiasi ūiymdardyŋ ädıl bäsekesıne jaǧdai jasaǧanyn atap öttı. «AMANAT» partiiasy – 23 jyldyq tarihy bar elımızdıŋ ırı saiasi küş. Partiianyŋ resursy jetkılıktı jäne elımızdıŋ barlyq qalalary men audandarynda filialdary bar. Soŋǧy sezde bızge «ADAL» partiiasynyŋ ökılderı qosylyp, äleuetımız aitarlyqtai küşeie tüstı», – dedı Erlan Qoşanov. Sondai-aq «AMANAT» Töraǧasy partiianyŋ el igılıgı üşın qoǧam aldynda zor jauapkerşılık alǧanyna toqtaldy. Tūrǧyndardyŋ tüiıtkıldı mäselelerın der kezınde şeşu barlyq deŋgeidegı partiia müşelerınıŋ mındetı jäne būl sailau nauqanynda jeŋıske jetudıŋ kepılı ekenın aitty. «AMANAT» partiiasynyŋ Liderı Sailaualdy baǧdarlamanyŋ oryndaluyn jan-jaqty baqylaudy qamtamasyz etu qajettıgıne basa nazar audardy. «Är oblys, qala, audannyŋ naqty maqsatty körsetkışterı bar Jol kartalary bekıtılgen. Olardyŋ jüzege asuyn baqylau aimaqtardaǧy filialdar men mäslihattardaǧy fraksiialar üşın basty basymdyq bolyp qala beredı. Azamattar sailaualdy uädenıŋ oryndalu deŋgeiıne qarai bızge baǧa beredı», – dedı partiia Töraǧasy. Erlan Qoşanov el Prezidentı keşegı Sezde söilegen sözınde aldaǧy uaqytta partiiadan qandai ümıt kütetının aiqyn jetkızgenın atap öttı. «Memleket basşysy «AMANAT»-ty prezidenttık reformalar baǧytyn jaqtauşylardy toptastyratyn partiia dep bıledı. «AMANAT» Prezidentke qoǧamdyq qoldau körsetıp, Jaŋa Qazaqstandy qūru üşın jüielı jūmys ısteuı tiıs. Partiia memlekettık organdardyŋ problemalaryn aşyp körsetetın, sailauşylardyŋ müddesın barynşa qorǧaityn saiasi küş boluy qajet. Bızdıŋ partiia biurokratizm jäne voliuntarizmmen küresuı kerek. Būdan bylai jasandylyq pen formaldy ıs-şaralar bolmauy tiıs», - dedı Erlan Qoşanov. Keŋes barysynda Türkıstan, Soltüstık Qazaqstan, Qaraǧandy, Batys Qazaqstan oblystaryndaǧy jäne Almaty, Nūr-Sūltan qalalaryndaǧy aimaqtyq filialdardyŋ atqaruşy hatşylary, sondai-aq QR Parlamentı Mäjılısındegı «AMANAT» deputattyq fraksiiasynyŋ müşelerı söz söiledı. E.Qoşanov partiianyŋ Ortalyq apparaty men filialdaryna jūmysty küşeituge qatysty bırqatar naqty tapsyrma berdı.