«AMANAT» partııasy – Prezıdenttiń Jańa Qazaqstandy qurýdaǵy negizgi tiregi – E. Qoshanov

2166
Adyrna.kz Telegram

Búgin «AMANAT» partııasynyń Tóraǵasy Erlan Qoshanov uıymnyń  Ortalyq apparatynda frakııa músheleriniń, óńirlik fılıaldar atqarýshy hatshylarynyń, qoǵamdyq keńester basshylarynyń jáne apparat qyzmetkerleriniń qatysýymen jıyn ótkizdi. 

Erlan Qoshanov Memleket basshysy Qasym-Jomart Toqaevtyń Qazaqstan halqyna Joldaýynda aıtylǵan reformalar barlyq saıası uıymdardyń ádil básekesine jaǵdaı jasaǵanyn atap ótti.

«AMANAT» partııasy – 23 jyldyq tarıhy bar elimizdiń iri saıası kúsh. Partııanyń resýrsy jetkilikti jáne elimizdiń barlyq qalalary men aýdandarynda fılıaldary bar. Sońǵy sezde bizge «ADAL» partııasynyń ókilderi qosylyp, áleýetimiz aıtarlyqtaı kúsheıe tústi», – dedi Erlan Qoshanov.

Sondaı-aq «AMANAT» Tóraǵasy partııanyń el ıgiligi úshin qoǵam aldynda zor jaýapkershilik alǵanyna toqtaldy. Turǵyndardyń túıitkildi máselelerin der kezinde sheshý barlyq deńgeıdegi partııa músheleriniń mindeti jáne bul saılaý naýqanynda jeńiske jetýdiń kepili ekenin aıtty.

«AMANAT» partııasynyń Lıderi Saılaýaldy baǵdarlamanyń oryndalýyn jan-jaqty baqylaýdy qamtamasyz etý qajettigine basa nazar aýdardy.

«Ár oblys, qala, aýdannyń naqty maqsatty kórsetkishteri bar Jol kartalary bekitilgen. Olardyń júzege asýyn baqylaý aımaqtardaǵy fılıaldar men máslıhattardaǵy frakııalar úshin basty basymdyq bolyp qala beredi. Azamattar saılaýaldy ýádeniń oryndalý deńgeıine qaraı bizge baǵa beredi», – dedi partııa Tóraǵasy.

Erlan Qoshanov el Prezıdenti keshegi Sezde sóılegen sózinde aldaǵy ýaqytta partııadan qandaı úmit kútetinin aıqyn jetkizgenin atap ótti.

«Memleket basshysy «AMANAT»-ty prezıdenttik reformalar baǵytyn jaqtaýshylardy toptastyratyn partııa dep biledi. «AMANAT» Prezıdentke qoǵamdyq qoldaý kórsetip, Jańa Qazaqstandy qurý úshin júıeli jumys isteýi tıis. Partııa memlekettik organdardyń problemalaryn ashyp kórsetetin, saılaýshylardyń múddesin barynsha qorǵaıtyn saıası kúsh bolýy qajet. Bizdiń partııa bıýrokratızm jáne volıýntarızmmen kúresýi kerek. Budan bylaı jasandylyq pen formaldy is-sharalar bolmaýy tıis», - dedi Erlan Qoshanov.

Keńes barysynda Túrkistan, Soltústik Qazaqstan, Qaraǵandy, Batys Qazaqstan oblystaryndaǵy jáne Almaty, Nur-Sultan qalalaryndaǵy aımaqtyq fılıaldardyń atqarýshy hatshylary, sondaı-aq QR Parlamenti Májilisindegi «AMANAT» depýtattyq frakııasynyń músheleri sóz sóıledi.

E.Qoshanov partııanyń Ortalyq apparaty men fılıaldaryna jumysty kúsheıtýge qatysty birqatar naqty tapsyrma berdi.

Pikirler