Qorǧanys ministrı Ruslan Jaqsylyqovtyŋ sözderı bügınde qoǧamda qyzu talqyǧa tüsude. Bırneşe kün būryn ministr jurnalisterdıŋ sūraǧyna jauap beru barysynda "Nege qazaq tılınde sūhbat bermeisız?", – degen sūraqqa: "Vy znaete, vot posmotrite: naş Pervyi Prezident–Elbasy govoril tak: "Kogda sobiraiutsia 100 kazahov i sredi nih odin ne kazahoiazychnyi, togda my perehodim na russkii iazyk dlia togo, chtoby ne oskorbit chi-to chuvstva. Poetomu kogda my s vami budem odin na odin razgovarivat, to qazaqşa söileimız. Jarai ma?", – degen edı.
Ministr būl jauabyna qoǧam öz narazylyǧyn bıldırıp, "memlekettık tıldı bılmeitın ministrdıŋ keregı joq" dep äleumettık jelıge jazbalar qaldyryp jatty. Mysaly aqyn, deputat Qazybek İsa bylai dep jazba qaldyrdy. "Tılın qorǧai almaǧan ministr Elın qalai qorǧaidy? Qorǧanys ministrı aityp tūrǧan sol memlekettık tılımızdı beişara jaǧdaiǧa tüsırgen tüsınıktı elbasymen bırge zeinetke ketıru kerek endı. Al “Patriot bolu üşın Memlekettık tıldı bılu mındettı emes!”-dep, paradoks piǧyldaǧy sauatsyz sözı üşın Qorǧanys ministrı Ruslan Jaqsylyqovty özge elde bolsa, bır kün de ūstamas edı… Bilıgı dübära elde mūndai masqara künara bola beredı! Tek Memlekettık tıldı mındetteitın zaŋ kerek!" , - dep jazdy ol.
QR Parlamentı Mäjılısınıŋ deputaty, aitysker aqyn Amanjol Ältai bolsa ministrge bylai dep jazba arnady: "Ruslan Fatihūly, sız qatardaǧy azamattyŋ bırı emes, arqasyna el amanatyn arqalaǧan Qorǧanys ministrısız. Sondyqtan da memlekettık tılge salǧyrttyq tanytpai, qūrmetpen qarauǧa tiıssız.
Memlekettık tılde söileu arqyly artyŋyzdaǧy san myŋdaǧan sarbazdarǧa önege körsetuge mındettı ekenıŋızdı esten şyǧarmaŋyz. Äskerımızdıŋ jäne onyŋ keŋsesınıŋ tılı tolyq qazaqşa bolatyn uaqyt jettı. Özıŋız aitqandai, qyryq qazaq otyryp ortadaǧy jalǧyz özge ūlt ökılı üşın orys tılınde söileu Keŋestık jüieden qalyp qoiǧan otarlyq sananyŋ körınısı.
Sondyqtan da täuelsız eldıŋ qolbasşy generaly retınde būl mäselege jaŋaşa qaraŋyz. Men sızdıŋ äskeri maman retınde käsıbi täjıribeŋızge, atqaryp kele jatqan eŋbegıŋızge qūrmetpen qaraimyn.
Otanymyzdyŋ äskerın basqaru üşın memlekettık tıldı erkın meŋgeru asa maŋyzdy. Sız sekıldı memleketık tılde söileuge basynda qinalsa da keiın talaby men jıgerınıŋ arqasynda ana tılınde erkın, körkem söileuge qol jetkızgen general Toqtar Äubäkırov aǧamyz sızge jaqsy ülgı bola alady. Repetitor jaldaŋyz, qazaqşa kıtap oqyŋyz, otbasynda qazaqşa söilesıŋız. Köp keşıkpei jaqsy nätijege qol jetkıze alasyz. Otan qorǧau jolyndaǧy asa maŋyzdy jūmysyŋyzǧa sättılık tıleimın!" - dedı.
Bügın Qorǧanys ministrınıŋ taǧy bır videosy jelıde jariialandy. Onda ministr "Jurnalister ökpeledı me?" deidı, artynşa videoǧa tüsıruşı adam "Jurnalister emes, halyq sol videony körıp, synap jatyr" deidı. Oǧan Qorǧanys ministrı: "Ää, qazaqtarda bır maqal bar. Ökpeleseŋ köşıp ket" dep jauap qatady. Ministr men videoǧa tüsıruşı arasynda artynşa qandai dialog bolǧany belgısız. Sebebı jelıge 13 sekundtyq video ǧana jariialandy.
Qoǧam bır aptanyŋ ışınde ekı märte memlekettık tılge qatysty dauǧa ılıkken ministrdı synǧa aluda. "Qazaqty qorǧaityn ministrdıŋ siqy osy ma", "Memlekettı memlekettık tıldı bılmeitın jan qalai qorǧamaq", "Qazaqty qazaq tılıne qyryn qaraityn jan jaudan qorǧaidy degenge senbeimın" jäne t.b pıkırler jelıde jazylyp jatyr. Al bız öz tarapymyzdan memlekettık tılge şorqaq ministr myrza atylmyş synnan keiın tıldı tereŋırek üirenıp, oquǧa talpynatyn şyǧar degen ümıttemız.
"Adyrna" ūlttyq portaly
