Bıznesmen Ahmetbek Nursıla Marǵulan Seısembaıdan úlgi alyp júrgen jastardy synǵa aldy, dep habarlaıdy “Adyrna” ulttyq portaly.
Suhbattarynda aıtqan baılyqtaryna shúılikken Ahmetbek Nursıla Marǵulannan bilim alǵan jastar baqytsyz bolady dep topshalaýda.
«Marǵulandy tyńdap, uqsaǵysy kelip júrgen qazaq jastary qandaı baqytsyz, sorly, dúnıeniń quly bolyp ósedi dep oılaımyn» dep jazdy Ahmetbek Nursıla áleýmettik jelide.
«Adam balasyna jyrtyqsyz, kirsiz, sypaıy kıinip, hám ol kıimin bylǵap, byljyratyp kımeı, taza kımek – durys is. Lákın óz dáýletinen artyq kıinbek, ne kıimi artyq bolmasa da, kóńiline qýat tutyp, tym aınaldyrmaq – kerbezdiń isi.
Kerbezdiń eki túrli qylyǵy bolady: biri bet-pishinin, murtyn, múshesin, júrisin, qas-qabaǵyn qoldan túzetip, shyntaǵyn kóterip, qolyn taraqtap áýre bolmaq. Bireýi atyn, kıimin «aıran isherim» dep, solardyń arqasynda sypaıy, juǵymdy jigit atanbaqqa, ózinen ilgerilerge eleýli bolyp, ózi qatardaǵynyń ishin kúıdirip, ózinen keıingilerge «átteń, dúnıe-aı, osylardyń atyndaı at minip, kıimindeı kıim kıgenniń ne armany bar eken?!» deıtuǵyn bolmaqqa oılanbaq. Munyń bári – masqaralyq, aqymaqtyq. Muny adam bir oılamasyn, egerde bir oılasa, qaıta adam bolmaǵy – qıyn is. Kerbez degendi osyndaı ker, kerdeń nemeden bezińder degen sózge uqsatamyn. Teginde, adam balasy adam balasynan aqyl, ǵylym, ar, minez degen nárselermen ozbaq. Onan basqa nársemenen ozdym ǵoı demektiń bári de – aqymaqtyq», – degen Abaıdyń sózimen bólisti jazba avtory.
”Adyrna” ulttyq portaly
