Mūhtar Taijan «HARD-talk» baǧdarlamasyna sūhbat berdı.
Jurnalistıŋ «Ne üşın partiia qūryp jatyrsyz? Oǧan qarajatty qaidan alasyz? «Jer qorǧany» partiiasy keiın «Adal» partiiasynyŋ küiın keşpei me?» degen saualyna M.Taijan:
«Men şynymen de deputattyqty közdesem, baiaǧyda «Nūr-Otan» partiiasyna kırıp, jyly jerde, bır kresloda otyratyn edım. Bıraq, maǧan ondai bilık qajet emes. Bırınşıden, menıŋ partiiam halyqqa adal bolady. Men 5-6 jyl jūmysşy toptarǧa baryp, solardyŋ qatarynda boldym. Sondaǧy tüsıngenım, ügıt-nasihat jürgızu üşın köp energiia ketedı. Bıraq nätije şamaly. Sondyqtan bız bilıkke keluımız kerek. Erekeŋ renjımesın, bıraq «Amanat» partiiasynyŋ ornyna bız otyruymyz kerek dep esepteimın. Maman, bılım, täjıribe jaǧynan eşqandai kemşılıgımız joq. Halyqqa adal boldyq. Byltyrǧy sailauǧa qatysuǧa Nūr-Otannan maǧan da ūsynys tüstı. Menıŋ de deputat boluǧa mümkındıgım boldy. Alaida menıŋ közqarasym men prinsipterım oǧan sai emes. Ekınşıden būl partiiadan menıŋ äkem bas tartqan. Men oǧan qalai baram? Partiia ne üşın qūrylady? Bilıktı qolǧa alu üşın. Sondyqtan bız bäsekelesemız. Eŋ bastysy — aqşa emes, ideia jäne halyqtyŋ senımı. Halyqqa öz oiyŋdy jetkızu üşın gazetke maqala berudıŋ qajetı joq, äleumettık jelıler jetıp jatyr. Sondyqtan qalyŋ qarajatsyz da jūmysty atqara beremın. Bızdıŋ partiiamyz eşbır oligarhqa täueldı bolmaidy. Ony men naqty aita alamyn» — dep jauap berdı.
“Adyrna” ūlttyq portaly
