4 paıyzdyq nesımen quny 15 mıllıonnan joǵary kólikti alýǵa bola ma?

2996
Adyrna.kz Telegram
Indýstrııa jáne ınfraqurylymdyq damý mınıstri Qaıyrbek Óskenbaev jańa avtokredıt baǵdarlamasy boıynsha 15 mıllıonnyń kóligin alýǵa bolatynyn aıtty, dep habarlaıdy “Adyrna” ulttyq portaly Sputnik Qazaqstan saıtyna silteme jasap. 
Ortalyq kommýnıkaııalar qyzmetinde ótken brıfıngte jýrnalıster jeńildetilgen avtokredıt baǵdarlamasynyń shekti somasy týraly surady.
"Mysaly, maǵan 10 mıllıon teńgeniń kóligi unamaı qaldy. Ondaı jaǵdaıda 15 mıllıon teńgege alýǵa múmkindik bola ma? 10 mıllıondy kredıtke, al qalǵan 5 mıllıondy ózim tólesem?", - dedi tilshiler.
Mınıstr jeńildetilgen avtokredıttiń shekti somasy 10 mıllıon bolsa da, odan qymbat kólik alýǵa bolatynyn jetkizdi.
"5 mıllıondy nemese basqa bir somany ózińiz tóleı salasyz, boldy", - dedi Óskenbaev. Al vıe-mınıstr Marat Qarabaevtyń aıtýynsha, kredıtti rásimdegennen keıin qajetti kólik bolmaı qalsa, kútýge týra keledi.
"Pandemııa kezinde kezektegi adamdardyń sany kóbeıdi. Sebebi 6-8 aıǵa deıin kútýge týra keldi. Qazir osy merzim aıtarlyqtaı qysqaryp, 3-5 aıǵa deıin tústi. Sosyn model, komplektaııa men kóliktiń túsi bar. Soǵan qaraı bir model tańdasańyz, kútýge týra keledi", - deıdi Qarabaev.
”Adyrna” ulttyq portaly
Pikirler