Qazaqstan Respýblıkasynyń Prezıdenti Qasym-Jomart Toqaevtyń Jarlyǵyna sáıkes QR Syrtqy ister mınıstriniń Birinshi orynbasary Shahrat Nuryshev Túrki akademııasynyń Vıe-prezıdenti Fýzýlı Majıdlıge II dárejeli «Dostyq» ordenin tabystady.
«Dostyq» ordeni memlekettiń áleýmettik-ekonomıkalyq jáne mádenı damýyna qosqan úlesi, belsendi qoǵamdyq qyzmeti, sondaı-aq, halyqtar arasyndaǵy beıbitshilikti, dostyqty jáne yntymaqtastyqty nyǵaıtýǵa sińirgen eńbegi úshin beriledi.
Túrki akademııasy 2010 jylǵy 25 mamyrda Qazaqstannyń bastamasymen qurylyp, qazirgi ýaqytta túrkologııanyń halyqaralyq tanylǵan ǵylymı ortalyǵy bolyp tabylady. Akademııanyń múshe elderi Ázerbaıjan, Qazaqstan, Qyrǵyzstan jáne Túrkııa. Majarstan baıqaýshy mártebesine ıe. Halyqaralyq uıymnyń shtab-páteri Nur-Sultan qalasynda ornalasqan.
