Soltústik Qazaqstan oblysynda «Serpin» baǵdarlamasymen bilip alyp jatqan jastardyń kóbi orys tilin jetik bilmeýine baılanysty jumyssyz qalýy múmkin.
Ońtústikten kelip, deni muǵalim mamandyǵyn ıgergen olar tek qazaq tilinde sabaq bere alady eken. Al óńirde qazaqsha mektepterdiń sany tym az. Barynyń ózi tym shalǵaı aýyldarda.
«Negizi usylynyp jatqan vakansııalardyń barlyǵy orys tilinde. Men ózim qazaq tilinde bilim alǵandyqtan, maǵan orys tilinde berýge meniń múmkindigim joq. Maǵan negizinen qazaq tilinde usynylyp otyrǵan vakansııalar kóbinese aýyldyq jerderden alys jerlerden bolyp tur. Jáne de qaladan Petropavl qalasynan alys jerde. Jáne de ekinshi problema týǵyzyp turǵan jatatyn oryn bolyp tur. Baspana máselesi bolyp tur», - deıdi M.Qozybaev atyndaǵy SQMÝ stýdenti Merýert Ahmet.
Árıne, 4 jylda qalaǵa úırengen jastar 300-400 shaqyrym jerdegi aýyldarǵa barǵysy kelmeıdi. Onyń ústine ondaǵy shaǵyn mektepterde saǵat sany tabylyp, jalaqysynyń tıisti deńgeıde bolatynyna da eshkim kepil bermeıdi.
Demografııalyq ahýaly múshkil teriskeıde halyq sanyn kóbeıtýge baǵyttalǵan «Serpin» baǵdarlamasy boıynsha óńirde bir jarym myń stýdent bilim alyp jatyr. Onyń 130-y joǵary oqý ornyn bıyl támamdaıdy. Bular atalǵan baǵdarlamanyń alǵashqy túlekteri bolmaq.
Búgin solarmen kezdesken atqaminerler aýdan ákimderimen keńesip, túlekterdi teriskeıde qaldyrýǵa tyrysatynyn jetkizdi. Sondaı-aq, maqsaty dál osyndaı ózge baǵdarlama boıynsha bıyl soltústikke 700-deı otbasy qonys aýdarýy tıis eken. Shendiler bıylǵy túlekterdi de soǵan qatystyryp, bir oqpen eki qoıan atyp almaqshy.
sn.kz
