Kúı – halqymyzdyń ulanǵaıyr mýzykalyq qazynasynyń eń bir mol salasy, qurylymy, mazmuny, basqa da kóp sıpattary jóninen kemel damyp, bıik órege jetken janrlarynyń biri.
23 sáýir kúni Almaty qalalyq Mádenıet jáne qujattar basqarmasynyń uıymdastyrýymen «Alataý» dástúrli óner teatrynda «Máńgilik saryn» atty kúı keshi ótti. Erekshe serpin, sán-saltanatpen ótken kúı keshine belgili dáýlesker kúıshiler Serjan Shákiratov, Abdýlhamıt Raıymbergenov, Ádilbek Atyǵaev, Aıgúl Úlkenbaeva, Janǵalı Júzbaev, Muqash Tańǵytuly, Talǵat Muqysh, Murat Ábýǵazy, Nurken Áshirov, Batyrjan Myqtybaev, Erbolat Mustafaev, Sáýle Qanıeva, Ardabı Máýlituly jáne «Sazgen sazy» etnografııalyq – folklorlyq ansambli qatysty. Kúı keshinde el arasynda saqtalyp, búgingi kúnge jetken barlyq kúı mektepterine tán shyǵarmalar oınaldy. Sondaı-aq búgingi tańda umyt bolyp, qoldanystan shyǵa bastaǵan kónergen saz aspaptarda da halyq kúıleri oryndaldy.
Kúıdi qasterleıtin kórermen úshin aqysyz, tegin ótken kúı keshi - jaqynda ǵana barsha áleýmet bolyp keńinen qarsy alǵan, qalamyzda 1 aı boıy buryn-sońdy bolmaǵan keń kólemde atalǵan ataýly áz merekemiz Naýryzǵa arnalǵan is-sharalardy qorytyndylady.
