20 sáýir kúni Almatydaǵy "Alataý" dástúrli óner teatrynda Qazaqstan Jazýshylar Odaǵynyń múshesi, kórnekti aqyn Tynyshtyqbek Ábdikákimulynyń "Kókek aıy - Gúlstan..." atty shyǵarmashylyq keshi ótedi.
Qazaqstan Jazýshylar odaǵynyń uıymdastyrýymen ótetin keshke qazaqtyń belgili aqyndary men óner juldyzdary qatysady.
Elimizdiń ár óńirinen jınalǵan tanymal aqyndar Tynyshtyqbek Ábdikákimulynyń óleńin oqyp, jyrdan shashý shashpaq. Atap aıtsaq, Temirhan Medetbek, Israıl Saparbaı, Mereke Qulkenov, Ábýbákir Qaıran, Qasymhan Begmanov, Járken Bódesh, Baýyrjan Jaqyp, Gúlnar Salyqbaı, Temirǵalı Kópbaev, Murat Shaımaran, Jaras Sársek, Dáýletkereı Kápuly, Janarbek Áshimjan, Baqyt Bedelhan, Almas Temirbaı, Aqberen Elgezek, Yrysbek Dábeı, Erlan Júnis, Baýyrjan Qaraǵyzuly, Qalqaman Sarın, Erjan Jumabek, Janat Janqashuly, Mereı Qartov syndy tanymal aqyndar kesh kórkin qyzdyrmaq.
Sondaı-aq, Elena Ábdihalyqova, Erkin Shúkiman, Qadyrǵalı Kóbentaı, Ershat Qaıyrhan, Gúlııa Saǵıdollaqyzy sekildi óner qaıratkerleri Tynyshtyqbek aqynnyń sózine jazylǵan ánderdi shyrqaıdy. Aqynnyń "Besinshi maýsym jupary" atty jańa kitaby da satylymǵa shyǵady. Keshtiń bastalýy: saǵat 16:00-de.
Aıta ketsek, Tynyshtyqbek Ábdikákimuly - 1953 jyly 20 shildede Semeı oblysynyń Abaı aýdany, Qaraýyl aýylynda týǵan. 1994 jyly Semeı pedagogıka ınstıtýtynyń fılologııa fakýltetin bitirgen. «Abaı aýyly» gazetinde, Abaı murajaıynda jumys istegen.
«Aqsham hattary», «Raýan», «Qas Saq Ańqymasy» atty t.b. jyr jınaqtarynyń avtory. 1993-1996 jyldary Qazaqstan Jazýshylar Odaǵynyń Semeı bólimshesiniń jaýapty hatshysy bolyp qyzmet atqardy. Jazýshylar Odaǵynyń múshesi, T.Aıbergenov atyndaǵy syılyqtyń laýreaty, Jazýshylar Odaǵy uıymdastyrǵan aqyndar músháırasynyń bas júldegeri. «Aqsham hattar» (1990), «Yraýan» (2000) jyr jınaqtarynyń avtory. 2001 jyly «Elorda» baspasynan «Qas Saq Ańqymasy» atty fılosofııalyq eńbegi shyqty. 2017 jyly "Besinshi maýsym jupary" atty jańa kitaby jaryq kórdi.
"Mádenıet" portaly
