Resei prezidentı Vladimir Putin Ukrainaǧa qarsy soǧysqa basqa elderdı, atap aitqanda Ūjymdyq qauıpsızdık şart ūiymyna (ŪQŞŪ) müşe memleketterdı tartqysy keledı, dep jazady "Adyrna" ūlttyq portaly orda.kz-ke sılteme jasap.
Būl turaly telemarafon efirınde Ūlttyq qauıpsızdık jäne qorǧanys keŋesınıŋ hatşysy Aleksei Danilov mälımdedı.
– Bızdıŋ barlau mynadai mälımetterdı ūsynady: Putin şynymen de ŪQŞŪ elderın özıne tartqysy keledı: qyrǧyzdar, özbekter jäne basqa ūlttar. Eger bız būl turaly aitsaq, būl müldem qabyldanbaidy. Qazır olar Qiyr Şyǧystan adam jinap jatyr degen aqparat bar. Udmurttar men iakuttar qazırdıŋ özınde erıksız jinalyp jatyr. Öitkenı soǧysqysy keletınder onşa köp emes, – dedı Danilov.ŪQŞŪ-ǧa müşe memleketter – Resei, Belarus, Qazaqstan, Armeniia, Qyrǧyzstan jäne Täjıkstan. Eske salsaq, Resei prezidentı Vladimir Putin Donbas respublikalary basşylarynyŋ ündeuıne jauap retınde arnaiy äskeri operasiia jürgızu turaly şeşım qabyldap, Ukrainaǧa qarsy soǧys jariialady. Alaida Resei basşysy Mäskeudıŋ josparynda Ukraina aumaqtaryn basyp alu joq ekenın aitqan bolatyn. 2 nauryz künı taŋerteŋgı jaǧdai boiynşa Resei äskerı 5840 adamnan aiyryldy. Sondai-aq 60-tan astam ūşaq pen tıkūşaq, 862 bronetransporter, 85 artilleriialyq jüie jäne basqa da köptegen tehnika joiyldy. 28 aqpandaǧy jaǧdai boiynşa 352 beibıt tūrǧyn, onyŋ ışınde 16 bala qaza tauyp, 2040 adam jaraqat aldy. Ukraina prezidentı Vladimir Zelenskii Resei äskerınıŋ şabuyldyŋ alǧaşqy saǧattarynan bastap azamattyq infraqūrylymǧa soqqy berıp jatqanyn aitty. Prezidenttıŋ aituynşa, Resei basqynşy äskerlerınıŋ Ukrainadaǧy äreketterınde genosid belgılerı bar. 27 aqpanda Ukraina «basqynşylyqty aqtau üşın genosid ūǧymyn būrmalaǧany üşın Reseidı jauapqa tartudy» talap etıp, Halyqaralyq sotqa Reseige qarsy şaǧym tüsırdı. Reseidıŋ Ukrainaǧa basyp kıruıne qatysty tergeudı Halyqaralyq qylmystyq sottyŋ prokurory Kärım Hannyŋ özı bastady.
"Adyrna" ūlttyq portaly
