Zelenskıı Pýtınge telefonmen sóılesýge nıet bildirdi, dep habarlaıdy “Adyrna” ulttyq portaly.
«Búgin men Reseı Federaııasynyń prezıdentimen telefon arqyly sóılesýge nıet bildirdim. Biraq ázirge tynysh. Alaıda tynyshtyq Donbassta bolýy kerek edi», – dedi Zelenskıı.
Zelenskıı óz eline eshqandaı da soǵystyń qajet emestigin alǵa tartty.
«Bizge, eshqandaı soǵys – qyrǵı-qabaq soǵys ta, gıbrıdtik soǵys ta, qajet emes, muny anyq bilemiz. Biraq bizge ásker kiretin bolsa, bizdiń memleketimizge, bostandyǵymyzǵa, ómirimizge, bizdiń balalarymyzdyń ómirine qol suǵýǵa tyryssa, biz qorǵanamyz. (…) Soǵys – bul úlken qasiret, bul qasirettiń baǵasy aýyr», – deıdi Ýkraına prezıdenti.
Óz sózinde Zelenskıı, Ýkraına eshqashan Reseıge qaýip tóndirmegenin aıtty. Aldaǵy ýaqytta da qaýip joq ekenin de tilge tıek etti.
«Sizderge Ýkraına Reseıge qaýip tóndirýi múmkin dep aıtýda. Alaıda buryn da bulaı bolmaǵan, qazir de joq jáne bolashaqta da bolmaıdy. Sizder NATO-dan qaýipsizdik kepildigin talap etýdesizder. Bizde óz qaýipsizdigimizdiń kepildigin sizderden, Reseıden jáne Býdapesht memorandýmy boıynsha kepildeme bergen basqalarynan da talap etemiz», – deıdi ol.
Reseı de Ýkraına da ártúrli halyq ekenin aıtty. Alaıda, bul nárse ulan ǵaıyr soǵysqa sebep emestigin de jetkizdi.
“Adyrna” ulttyq portaly
