Elbasy Bilim jáne ǵylym mınıstri Erlan Saǵadıevti qabyldady, dep habarlaıdy "Ult aqparat" Aqoradaǵa silteme jasap.
Kezdesýde Memleket basshysyna Bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamasynyń iske asyrylý barysy jóninde esep berildi.
Nursultan Nazarbaev bilim berý júıesi elimizdegi saıası, ekonomıkalyq jáne áleýmettik reformalardy júzege asyrý isinde erekshe ról atqaratynyn atap ótti.
– Biz iske asyryp jatqan barlyq baǵdarlamalyq qujattarda, sonyń ishinde Qazaqstan halqyna arnalǵan «Tórtinshi ónerkásiptik revolıýııa jaǵdaıyndaǵy damýdyń jańa múmkindikteri» atty bıylǵy joldaý men «Rýhanı jańǵyrý» baǵdarlamasynda, sondaı-aq ıfrlandyrý barysynda bilim berý isine zor mán berilgen. Mekteptegi bilim berýdiń sapasy osy bastamalardyń tabysty júzege asyrylýynyń kepili bolyp sanalady, – dedi Qazaqstan Prezıdenti.
Memleket basshysy elimizdiń bilim berý júıesindegi reformalardyń ýaqtyly júrgizilip jatqanyn aıtyp, jekelegen pánderdi aǵylshyn tilinde oqytýǵa kóshý úderisine erekshe toqtaldy.
– Pánderdi aǵylshyn tilinde oqytý joǵary synyp oqýshylary arasynda júrgiziledi. Balalarǵa aǵylshyn tilin qazir úıretpesek, keleshekte olardan kásibı mamandar daıarlaı almaımyz. Bul – ýaqyt talaby. Ata-analar muny durys túsinýge tıis. Bul rette, qazaq tilin oqytýdy da umytpaýymyz kerek, – dedi Elbasy.
Kezdesýde Bilim jáne ǵylym mınıstri memlekettik jáne salalyq baǵdarlamalar aıasynda mınıstrlik aldyna qoıylǵan mindetterdiń oryndalý barysy jóninde málimdedi.
E.Saǵadıev mektepke deıingi bilim berý júıesin jetildirý baǵytynda atqarylyp jatqan jumystyń aralyq nátıjeleri jóninde baıandady.
– 2018 jyly mektepke deıingi bilim berýmen qamtý kórsetkishi 95 paıyzǵa jetedi. Negizinen, bul jeke balabaqshalar qurylysynyń esebinen júrgizilip otyr. 2019 jyldan bastap erte jetilýdiń biryńǵaı standarttary engiziledi. Sondaı-aq, balabaqsha kezegine mobıldik qurylǵylardy qoldaný arqyly da turýǵa bolatynyn aıtyp ótken jón, – dedi Bilim jáne ǵylym mınıstri.
Sonymen birge, E.Saǵadıev Qazaqstan Prezıdentine mektepterdi Nazarbaev zııatkerlik mektepteriniń tájirıbesi boıynsha jańa mazmunǵa kóshirýdiń nátıjeleri jóninde aıtty.
Bilim jáne ǵylym mınıstri jekelegen pánderdi aǵylshyn tilinde oqytý úshin muǵalimder daıarlaý barysy jóninde málimdedi.
– 2016 jyly aǵylshyn tilinde 2 myń ǵana muǵalim sabaq bergen bolatyn. Byltyr 11,5 myń muǵalim tıisti aǵylshyn kýrsynan ótýge ótinish bildirip, olardyń 3 myńǵa jýyǵy daıarlyǵyn aıaqtap, sabaq berýge kiristi. 8 myń muǵalim oqýyn jalǵastyryp, qajetti deńgeıge aýysýda. Osylaısha, 2019 jyly 13,5 myń muǵalim tórt pándi aǵylshyn tilinde berýdi bastaıdy, – dedi E.Saǵadıev.
Kezdesý sońynda Nursultan Nazarbaev birqatar naqty tapsyrma berdi.
ult.kz
