Bes juldyzdy Rixos Aktau qonaqúıi Qarakól kóline laı sý quıylyp jatyr degen daýly vıdeodan keıin jospardan tys tekserilmek. Bul týraly Mańǵystaý oblysynyń ekologııa departamenti málimdedi, - dep habarlaıdy “Adyrna” ulttyq portaly Tengrinews.kz saıtyna silteme jasap.
Osyǵan deıin aqtaýlyq bloger Azamat Sársenbaev qysta qyzǵylt qoqıqazdar ushyp keletin Qarakól kóline laı sý qalaı quıylyp jatqanyn túsirip alǵan. Ol jaqyn mańdaǵy demalys ortalyqtary men qonaqúıler, sonyń ishinde bes juldyzdy Rixosta paıdalanǵan sýyn kólge quıyp jatqanyn aıtty.
"Rixos qonaqúıin jospardan tys tekserý bastaldy. Biz sýdyń barlyq ıngredıentterine, belgilengen normatıv qalaı saqtalatynyna taldaý jasadyq. Obektıvtilik úshin komıssııaǵa qoǵamdyq uıymdar men úsh ýákiletti organnyń mamandaryn engizdik: bul balyq ınspekııasy, orman-ańshylyq sharýashylyǵy jáne sý ınspekııasy", - dedi Mańǵystaý oblysy boıynsha ekologııa departamentiniń basshysy Rýslan Tókenov.