Qasym-Jomart Toqaev búgingi bergen suhbatynda qoǵamda qatty talqylanyp jatqan másele týraly pikir bildirdi. Aıtýynsha, shetelge zańsyz jiberilgen qarajatty qaıtarý kerek, dep habarlaıdy “Adyrna” ulttyq portaly.
"Úkimetke tıisti tapsyrma berdim. Bul másele boıynsha Úkimet eki aıdan keıin maǵan naqty usynystaryn aıtady. Sodan keıin jumys bastalady. Bul másele boıynsha aýqymdy saraptama jasaý kerek. Onsyz bolmaıdy. Sodan keıin sheteldegi tıisti mekemelermen kelissózder júrgizýge kirisemiz. Bul óte kúrdeli ári uzaq ýaqytqa sozylatyn jumys bolatyn sııaqty. Ony ashyq aıtqan jón. Biraq ádildikke jetý úshin osy jumysty bastaý kerek. Shetelge zańsyz shyǵarylǵan qarajatty elge qaıtarýǵa tıispiz", - dedi ol.
“Adyrna” ulttyq portaly
