Jazýshy Aqberen Elgezek kitaphanalardaǵy qazaq tilindegi kitaptar úlesiniń azdyǵyna alańdaýshylyq bildirdi. Osy oraıda ol qoldanystaǵy zańnamaǵa arnaıy ózgerister men túzetýler engizýdi usyndy. Bul týraly Informburo.kz-ke silteme jasap, "Adyrna" ulttyq portaly habarlaıdy.
"Qazir qoǵamdyq mańyzy bar degen ataýmen kim kóringenniń kitaby shyǵyp, eshkim barmaıtyn kitaphanalarǵa toǵytylyp jatyr. Jyl saıyn! Al mektep kitaphanalaryna bul kitaptar jetpeıdi. Árıne, bular eki bólek sala ekenin túsinemin. Biraq, memleket bireý ǵoı. Bilim jáne ǵylym mınıstrligimen birlese otyryp bul máseleni sheshýge bolady dep oılaımyn", – dedi Aqberen Elgezek.
Sondaı-aq, jazýshy kitaphanalarda qazaq tilindegi kitaptar úlesiniń tym az ekenine toqtaldy. Onyń dereginshe, qazir mektep kitaphanalaryndaǵy qazaq tilinde shyqqan kitaptarynyń jalpy úlesi – 27 paıyz ǵana.
"Qalǵan 73 paıyzy demek orys tilinde bolǵany ǵoı. 30 jyl boıy shyǵyp kelgen kórkem ádebıet ol mektepterge jetpegen. Sórelerinde áli sol soıalıstik realızm talabymen shyqqan eski ıdeologııany nasıhattaıtyn kitaptar tur. Bul týraly arnaıy respýblıkalyq kitaphanashylar semınarynda aıtylǵan. Oıymnan shyǵaryp turǵan joqpyn", – dedi jazýshy.
"Adyrna" ulttyq portaly
