Indýstrııa jáne ınfraqurylymdyq damý mınıstrligi avtokólik qurastyrý basqarmasy qyzmetkeri jeńildetilgen avtonesıeleý baǵdarlamasyna qansha qarjy bólý josparlanyp otyrǵanyn, bastapqy jarna qansha bolatynyn aıtty. Bul týraly Tengrinews.kzke silteme jasap "Adyrna" ulttyq portaly habarlaıdy.
IIDM 2027 jylǵa deıin jeńildetilgen avtonesıege 250 mıllıard teńge bólýdi josparlap otyrǵany aıtyldy. Memleket bıýdjetinen 150 mıllıard, al "ÓKM Operatory" kádege jaratý tóleminen 100 mıllıard jumsalady. "2022 jyly memleket bıýdjet tarapynan bastapqyda 30 mılıard teńge bólý kózdelip otyr. Kelesi jyly 45 mıllıard, 2024 jyly 50 mıllıard beriledi", - delingen habarlamada.
Baǵdarlama boıynsha beriletin kólikter tizimi kelesideı:
Úkimet kádege jaratý tólemi tarapynan aqsha bólý ıdeıasyn qoldasa, 100 mıllıard teńgesi halyqtyń osal toptary úshin bastapqy jarnasyz nesıege bólinedi. Biraq 4 paıyzben tek 10 mıllıon teńge beriledi. Sonymen qatar, jeńildetilgen avtonesıe úshin de osyndaı 10 mıllıon degen shekti belgileý josparlanyp otyr. Qymbatyraq kólik satyp alǵysy keletinderge aıyrmashylyqty óz qaltasynan tóleýge týra keledi. Al bankter tutynýshylardan bastapqy jarnany talap etý nemese talap etpeý máselesin ózderi sheshedi. Vedomstvo ókili kezek týraly aıtty. Búginde 15 myńnan asa qazaqstandyq jeńildetilgen avtonesıege kezekte tur.
"Adyrna" ulttyq portaly
