Almaty qalasynyń máslıhat depýtaty ári qoǵam belsendisi Qaırat Qudaıbergen Facebook paraqshasynda jazba jarııalap, ózin UQK men Bas prokýratýra jaýap alýǵa shaqyrǵanyn aıtty, dep habarlaıdy “Adyrna” ulttyq portaly Orda.kz saıtyna silteme jasap.
Qazir men josparly demalysta Dýbaıdamyn. Biz 4 qańtarda ketemiz dep josparladyq, múmkindik boldy, biraq men ushyp, óz halqym men Otanymdy tastap kete almadym. Meniń demalysym 6 aqpanda bastaldy, biraq 5 aqpan kúni túski ýaqytta maǵan UQK-den, al 7-si kúni Bas prokýratýradan jaýap alýǵa «shaqyrý» tústi. Barlyǵy óte durys jáne sypaıy túrde. Ádeıi ketip qalǵandaı, olardyń aldynda ózimdi jaısyz sezindim. Kelgen soń mindetti túrde Astanaǵa baramyn sóılesemin, sosyn ne týraly sóıleskenin aıtamyn, – dep jazdy depýtat.
Eske salaıyq, Qaırat Qudaıbergen «Dıkıı Arman» laqap atymen tanymal Arman Jumageldıevpen jappaı tártipsizdik kezinde birge bolǵanyn, sol kúni qandaı jaǵdaı bolǵanyn aıtyp bergen edi.
6 qańtar kúni kúndiz Armanmen birinshi ret Táýelsizdik alańynda kezdestik jáne birge turyp adamdardy sabyrlyqqa, provokaııaǵa berilmeýge shaqyrdyq. Arman adamdardy tek beıbitshilik mıtıngke, Úkimetpen sóılesýge shaqyrdy. Biraq provokatorlar paıda bolyp, ony alańnyń basqa jaǵyna alyp ketti, men turǵan ornymda qaldym. Qasyma eldiń ishinde júrgen birneshe jigit kelip, «Aǵa, myna jerdegi provokatorlar sizdi óltirip ketýi múmkin, sizdi kóligińizge deıin shyǵaryp salaıyq» dedi. Olarǵa myń da bir rahmet! – dep jazdy depýtat.
“Adyrna” ulttyq portaly
