Búgin Májilistiń jalpy otyrysynda depýtat Edil Jańbyrshın «Jańa Qazaqstan» atty depýtattyq top qurylatynyn jarııa etti, dep habarlaıdy QazAqparat.
Qańtar aıynyń basynda elimiz buryn sońdy bolmaǵan qıyn jaǵdaıdy basynan ótkizdi.
Qazaqstanǵa qastyq oılaǵan ishki jáne syrtqy jaýlar memleketimizdiń shańyraǵyn shaıqap, keregesin sókkileri keldi. Opasyz ekstremıstik toptardyń áreketinen baýyrlarymyzdyń qany tógildi, azamattarymyz aýyr jaraqattar aldy, memlekettik jáne kásipkerlerik nysandarǵa jáne múlikterge nuqsan keldi.
Halyqtyń sabyrlyǵy men aýyzbirshiliginiń, Prezıdentimiz Qasym-Jomart Kemeluly Toqaevtyń tabandylyǵy, qaısarlyǵy jáne Respýblıkaǵa, Konstıtýııalyq qurylymǵa qarýmen qarsy shyqqan sodyrlar men bandıtterdi joıý jónindegi jaýapty sheshiminiń arqasynda, memlekettiń egemendigi jáne turaqtylyǵy saqtalyp qaldy.
Bul jaǵdaı kezdeısoq bolǵan joq. Elimizde kópten beri qordalanyp, ádiletsizdik pen jemqorlyqtyń kesirinen sheshimin tappaǵan áleýmettik-ekonomıkalyq máseleler oqıǵanyń tutanýyna sebepshi boldy», - dep toqtaldy E. Jańbyrshın.
Osy oraıda ol qańtar oqıǵasy bárimiz úshin úlken sabaq bolýy kerek ekenin atap ótti. Onyń alǵysharttary – qoǵam men bıliktiń shynaıy tazarýy, aqıqattyń ashyq aıtylýy, qatelikterdiń moıyndalýy, memlekettik apparat pen qurylymdardyń olıgopolııa ókilderi men jemqorlardan tazartylýy bolyp otyr.
«Buny, búgin qoǵam belsendi talqylap jáne ony Memleket basshysy batyl túrde iske asyra bastady. Prezıdentimizdiń Qazaqstandy jańartamyn, durys arnaǵa buramyn degen aq nıeti bar. Al, biz, el bolyp ony biraýyzdan qoldaýymyz qajet!
Ózderińizge málim qańtardyń 11 juldyzynda Prezıdent Parlament Májilisiniń jáne keshegi Úkimettiń otyrysynda elimizde atqarylatyn biraz mańyzdy máselelerdi aıqyndap, naqty mindetterdi qoıdy. Jalpy qoǵam men memleket arasyndaǵy qarym-qatynasta transformaııanyń qajettiligi týyndaǵanyn jáne «Jańa Qazaqstandy» qurý týraly Qasym-Jomart Kemeluly qaıta-qaıta aıtyp júr. Mundaı keshendi transformaııa eń aldymen Parlament qyzmetinde oryn alyp, Májilis qabyrǵasynan bastalýy shart!», - dedi depýtat.
«Sondyqtan Parlamenttiń tómengi palatasyndaǵy jumystardy jańa deńgeıge kóterip jáne Prezıdenttiń tapsyrmalaryn Májilis depýtattary tarapynan qadaǵalaý maqsatynda «Jańa Qazaqstan» atty depýtattyq topty qurýdy, resmı túrde jarııalaımyz!
«Jańa Qazaqstan» depýtattyq toby qoǵamdaǵy eń ózekti máselelerdi der kezinde Parlament tórinde kóterip, turǵyndardyń muń-muqtajdaryn ýaqytynda sheshiýge qyzmet etedi.
Úkimetpen birlesip halyqtyń rýhanııatyn kúsheıtetin, ál-aýqatyn jaqsartatyn zań jobalaryn daıyndaýǵa, saılaýshylarymyzben odan ári tyǵyz qarym-qatynastar ornatýǵa múddeli.
«Jańa Qazaqstan» depýtattyq toptyń qoǵamdaǵy barlyq belsendi saıası partııalarmen, narazy toptarmen, úkimettik emes uıymdarmen jáne sarapshylarmen qoıan-qoltyq qyzmet jasaýǵa yntaly jáne daıyn ekenin málim etemiz.
Qazaqta «Birlesip kótergen júk jeńil» - degen sóz bar! Jańa Qazaqstannyń júgin ulys bolyp birge kótereıik! Prezıdent bastaǵan reformalardy sabotajǵa jibermeı, aıaǵyna deıin jetkizeıik! Barshańyzdy, eldiń irgesin nyǵaıtýǵa shaqyramyz!», - dedi Edil Jańbyrshın.
Bul bastamaǵa Májilistiń birqatar depýtaty qoldaý bildirgen.
”Adyrna” ulttyq portaly
