«MAEK-Qazatomónerkásip» qyzmetkerleriniń eńbekaqy kólemi 30%-ǵa artatyn boldy. Bul týraly «MAEK-Qazatomónerkásip» JShS bas dırektory T. Esentúgelov óz úndeýinde málimdedi, dep habarlaıdy mangystaumedia.kz.
Sonymen qatar ol keıbir aıtýly merekelerge syılyqaqy tóleý suraqtary sheshimin tapqanyn aıtty. T.Esentúgelov óz úndeýinde jumysshylardyń kótergen máselesi aldaǵy ýaqytta qaralatynyn tilge tıek etti.
"Sońǵy 2 kún «MAEK-Kazatomónerkásip» JShS úshin ońaı bolǵan joq. Óndiris salasyndaǵy jumysshylar tarapynan aıtylǵan jyldar boıy qordalanǵan problemalyq máselelerdi bir kúnde sheshý múmkin emes. Osyǵan oraı aldaǵy ýaqytta osy máselelerdi tolyqtaı sheshý baǵytyndaǵy jumystar QR Energetıka mınıstrligi, Mańǵystaý oblysynyń ákimdigimen birlese otyryp sheshiletin bolady.", - dedi ol.
Sondaı-aq, úndeýde kásiporyn basshylyǵy barlyq qyzmetkerlerge óz jumys ornyna oralýdy usynady.
"Ýáde etilgendeı, eshkim óz talaptary úshin qýdalanbaıdy. Budan basqa, mundaı qolaısyz qatynastardy boldyrmaý úshin basshylyq pen óndiristik personal arasynda turaqty tikeleı baılanys ornatý josparlanýda", - dedi T. Esentúgelov.
”Adyrna” ulttyq portaly
