Estitın memlekettıŋ basşylary, Qazyǧūrt Audanyndaǧy halyqtyŋ zar-mūŋyna qūlaq türıŋızder!
QR Prezidentı Qasym-Jomart Toqaevqa; QR Premer-Ministrı Älihan Smailovqa; QR Parlamentı mäjılısınıŋ deputattaryna.
Mynau video fragmente söilep otyrǧan Türkıstan bolysy, Qazyǧūrt audanynyŋ äkımı Arman Abdullaev. Arman Abdullaevtyŋ aituynşa, Türkıstan oblysy, Qazyǧūrt audany, Altyntöbe auyly okrugınıŋ jerlerı Qazaqstan Respublikasynyŋ jerlerı emes. Būl Qazaqstan Respublikasynyŋ territoriiasyna kırmeidı. Nege? Sebebın sızderge bylaişa tüsındırıp bereiın: 1. Arman Abdullaev Altyntöbe auyly okrugındegı jerın daulap otyrǧan halyqqa kelıp, men senderdıŋ mäselelerıŋdı şeşıp bere almaimyn, şeşıp beremın dep te uäde ete almaimyn dep otyr. Halqynyŋ mäselesın şeşıp bermese, äkım myrza ne üşın halyqtyŋ aldyna kelıp otyr!? Sebebı, Altyntöbe auyly okrugı Qazaqstan Respublikasynyŋ terriortiiasyna kırmeidı. Arekeŋ QR "Jer Kodeksınıŋ" 103-baby Altyntöbe auyly okrugıne qarastyrylmaǧan dep, azamattardyŋ talabymen, uäjımen kelıspei otyr. Areke, mūny qalai tüsınemız!? 2. Altyntöbe auyly okrugınıŋ jerlerı Qazaqstan Respublikasynyŋ territoriiasyna kırmegendıkten, osynda otyrǧan jergılıktı halyqtyŋ 30 jyl boiy qūqy taptalyp, 30 jyl boiy özınıŋ zaŋdy müddesınen aiyrylyp, zar ilep otyrǧany audan äkımı Armandy alaŋdatpaidy. Areke, mūny qalai tüsınemız!? Areke, sız keşe ǧana keldım dep halyqtyŋ aldynda aqtalyp otyrsyz. Sızden aldyŋǧy äkımderdıŋ de halyqqa jaqsylyq jasaǧany şamaly edı. Sızden aldyŋǧy äkım qaralar halyqtyŋ jerın tartyp alyp, qu taiaqty qūşaqtatyp jıbergenıne şirek ǧasyrdan asyp, 30 jylǧa taiapty. Sız aityp otyrsyz, QR "Jer Kodeksınıŋ" 103-baby Altyntöbe auyly okrugıne qarastyrylmaǧan dep. Demek, Altyntöbe auyly okrugı Qazaqstan Respublikasynyŋ territoriiasynda emes. QR "Jer Kodeksınıŋ" 103-baby boiynşa jergılıktı tūrǧyndardyŋ ärbırı şarty jer ülesın aluǧa qūqyly edı. Bıraq sızdıŋ aituyŋyzşa, būl zaŋnan sızdıŋ halyqty aldausyrata aitqan sözıŋızdıŋ salmaǧy auyr tartyp tūr. Keşırıŋız! Sızdı mūnşa qūdırettı dep oilamappyn. QR "Jer Kodeksınıŋ" 103-babynda közdelgen azamattardyŋ şartty jer alu qūqyǧy QR Konstitusiialyq zaŋdarynda közdelgen däleldeudı qajet etpeitın män-jailar bolyp tabylatyn edı. Bıraq, ökınışke orai olai bolyp tabylmaidy eken. Olai bolyp tabylmaitynyna endı közımız jetıp otyr. Areke, sız basqaryp otyrǧan Qazyǧūrt audanyna qarasty Altyntöbe auyly okrugınıŋ halqy 30 jyl boldy, älı özderınıŋ tuǧan ölkesındegı jerlerıne qojaiyndyq jasai almauda. Halyqtyŋ qolyna äkımşılık apparatyn menşıktep alǧandar memlekettık aktını berer türı joq. Jerdı sızdıŋ aldyŋyzdaǧy äkımder halyqtyŋ qūqyn eskermei, korporasiiaǧa ötkızıp jıbergen. Özderı qaltalary tolǧanşa paidalanǧan. Sodan halyqtyŋ berekesı kettı. Azamattarymyz bır bırın jau sanap, bır bırınıŋ jaǧyn syndyryp jatqanyn, sotta azamattyq ıspen qaralatyn ısterdıŋ bärın qylmystyq ıspen qarap, halyqty qorqytyp ūstaimyz dep oilaisyzdar ma? Mūnyŋ bärın sız bes sausaǧyŋyzdai bılıp otyrǧan adamsyz ǧoi. Ümıtı dırdektep tūrǧan halqyŋyzdyŋ qūqy men müddesın sız qorǧamasaŋyz, Baiden men Putin kelıp qorǧai ma!? Al, Körşı okrugterdıŋ halqynyŋ jaǧdaiy bızdıŋ okrugten 15 jyl alǧa şyǧyp ketken. Olardyŋ jerlerı özderıne taratylyp berılgen, al, Altyntöbe auyly okrugınıŋ halqyna QR "Jer Kodeksınıŋ" 103-babyna sai jer ülestırılıp berıluı qarastyrylmaǧan degen uäjıŋızdı halyqtyŋ aldynda däleldep berıŋızşı! Sızdıŋ azamattyǧyŋyzdy sonda köreiık! Areke, audannyŋ äkımı retınde Altyntöbe halqyna investisiia tartyp, halyqtyŋ äleumettık jaǧdaiyn jaqsartyp, jūmys közın aşpai-aq qoiyŋyzşy! Sızden ony sūramai-aq ta qoiaiyq. Sız halyqtyŋ öz jerın özıne qaitaryp beruge üles qosudyŋ ornyna, QR-da Zaŋsyz qūrylym bolyp otyrǧan, halyqtyŋ ülesın, ūlttyq biudjettı sauyn siyr qylyp otyrǧan, jerın menşıktep alǧan Äleumettık käsıpkerlık korporasiialardyŋ sözın söilep, az ǧana toptyŋ üddesın qorǧap otyrǧanyŋyzdy men jaqsy tüsınemın! Nege dep aitpai-aq qoiaiyn. Halyqqa özınıŋ jerı kerek. Sızden halyq aldyŋyzǧa baryp artyq eşteŋe de sūrap otyrǧan da joq qoi. Halyqqa jerı berılse, öz şaruasyn özı atqara beredı. Auyl azamattary jūmys jasaiyn, käsıp qylaiyn dese jerı joq. Üi salaiyn dese, taǧy jerı joq. Jūmyssyz qaŋǧyrǧan, azyp-tozǧan jastardyŋ taǧdyry sızdı oilandyrmai ma!? Areke, mynau aldyŋyzda söilep otyrǧan halyqtyŋ Qazaqstan Respublikasynyŋ täuelsızdık alǧannan berı jerı jatqa ketıp, qūqy qorǧalmaǧan, müddesı qaitarylmaǧan. QR-daǧy alǧaşqy jekeşelendıru jyldarynda, odan keiıngı 3 ret jekeşelendıru nauqanynda būl halyq özınıŋ memleketten ülesın almaǧan. Sol 1991-1993 auyr jyldary jekeşelendıru nauqanynda özınıŋ ülesın ala almaǧan mynau halyq tūrmystyŋ auyr tauqymetın basynan ötkerıp, bır bölke narǧa zar bolyp, äbden qorlyq kördı. Bızdı asyrap baqqan ata-analarymyz bızge äupırımdep tapqan bidaiyn quyryp berıp asyraǧan edı. Soŋynda basşylyq jerlerın qabat-qabat mekemelerge ötkızıp, öz basymen qaŋǧyrtyp jıbergen. Sonda da mynau halyqty aiamaisyŋdar ma!? Areke, «Memlekettık auylşaruaşylyǧy käsıporyndarynyŋ mülkın jekeşelendıru negızderı turaly» Qazaqstan Respublikasynyŋ 1992 jylǧy 14 qaŋtardaǧy Zaŋyna jäne Qazaqstan Respublikasynyŋ 1995 jylǧy 23 jeltoqsandaǧy №2721 «Jekeşelendıru turaly» Zaŋdary negızınde būl halyq 30 jyl būryn menşık iesı bolyp tabyluy kerek edı. Bıraq ony eskerer basşylyq bolmady. Sızden aldyŋǧy äkım qaralar būl halyqtyŋ qūqyn qasaqana taptaǧan. Äbden janşylyp, qūqy taptalyp otyrǧan halyqtyŋ qūqyn ary qarai taptaudyŋ kezegı sızge kelıp jettı me!? Mynau sözderıŋız ne söz!? Sız jaqynda halyqtyŋ ortasyna kelıp, kezdesu ötkızemın dep otyr ekensız. Sızge osy sūraqtarǧa jauap beruıŋızdı, halyqtyŋ öz jerın qaitaryp berudı talap etemız. Bız osy uaqytqa deiın ötınetın edık, endı tek talap etemız."Adyrna" ūlttyq portaly
