Facebook jelisinde er adamnyń jýrnalıstke týysynyń tergeýde qalaı azaptalǵany týraly aıtqan vıdeosy paıda boldy, dep habarlaıdy "Adyrna" saıty turkystan.kz-ke siltep.
Onyń aıtýynsha, kámeletke tolmaǵan stýdentterdiń tisteýikpen tisterin julyp, arqalaryna útik basqan kórinedi.
«Týysym kámelet jasyna tolmaǵan 2-kýrs stýdenti. Sol sııaqty, onyń qasynda otyrǵandar da 16-17 jastaǵy balalar. Biz tergeý kezinde qasynda bola almadyq. Advokatymyz senderdi qalaı tergedi degen kezde, arqamyzǵa útik basty, tisteýik alyp, tisterimizdi juldy degen. Tórt tisi bosaǵan. Bul degen sumdyq qoı! Jas stýdent balalar ne biledi? Olar terrorıst emes, sabaǵyna baryp-kelip júrgen balalar», – deıdi jábirlenýshiniń aǵasy.
