Májilismender jalaqydan jalaqyǵa deıin ómir súretinderin aıtady. Buǵan qaramastan olar moratorııge qarsy shyqpady. Biraýyzdan aldaǵy 5 jyl jalaqylarynyń óspeıtinimen kelisti, dep habarlaıdy “Adyrna” ulttyq portaly KTK arnasyna silteme jasap.
"Jalaqy túsetin bank kartasy jubaıymda. Ol aı saıyn 630-650 myń teńge túsetinin aıtady. Etti aýyldan, týystarymnan alamyz. Bilesizder, qazir ınflıaııa, baǵalar kóterilýde. Sondyqtan jalaqydan jalaqyǵa deıin ómir súremiz deýge bolady", - deıdi Májilis depýtaty Erlan Saırov.
5 jyl jalaqynyń óspeýi týraly moratorıı mınıstrler men ákimder jalaqysyna da qatysty bolady. Memlekettik qyzmetkerlerdiń jalaqysy jetkilikti deńgeıde degen Prezıdent osyndaı sheshim qabyldaǵan edi. Al ózge jumysshylardyń jalaqysy kerisinshe óse túspek.
Jalaqy máselesi 2021 jyldyń sońyna qaraı qyzý talqyǵa túsken. Bul kezde mınıstrlerdiń ortasha jalaqysy 900 myń, al oblys ákimderi 1,8 mıllıon teńge alatyny belgili bolǵan edi. Al Májilis depýtattary óz aılyqtarynyń 500 ben 800 myń aralyǵynda ekenin málimdegen. Inflıaııaǵa qaramastan depýtattar moratorııge qatysty qarsylyqtaryn bildirmedi.
"Qazirgi jalaqy jetkilikti deýge bolady. Sebebi buǵan deıingi laýazymdarda mundaı jalaqy almaǵanmyn. Men úshin bul ájepteýir somma. Ómir súrý úshin jáne basqa ıdeıalardy júzege asyrýǵa jetedi dep oılaımyn", - dep málimdedi Májilis depýtaty Elnur Beısenbaev.
“Adyrna” ulttyq portaly
