Jańaózende muǵalimder mektepterdi jekemenshikke berýge narazy - dep habarlaıdy ”Adyrna” ulttyq portaly “Astana” telearnasyna silteme jasap.
Pedagogtardyń pikirinshe, zańnamadaǵy jańa ózgerister olardyń jumys oryndaryna qaýip tóndiredi. Sondyqtan qaladaǵy bes oqý ornynyń muǵalimderi narazylyq bildirdi. Alaıda sheneýnikter ustazdardyń alańdaýyna negiz joq ekenin, sebebi bul týraly túpkilikti sheshim áli qabyldanbaǵanyn, joba áli de MJÁ aıasynda qarastyrylyp jatqanyn aıtty.
Mańǵystaý oblysynyń bilim basqarmasy ınvestıııa tartylsa, mektepterdegi bilim men materıaldyq-tehnıkalyq baza jaqsarady dep senedi.
"Másele qazir talqylanyp jatyr. Iaǵnı, alda qandaı mindetter bolady, ol qalaı júzege asatyny týraly áli sheshim qabyldanǵan joq. Alda bilimdi jetildirý jáne materıaldyq-tehnıkalyq bazany jaqsartý maqsaty tur. Keıbir mektepterde jóndeý jumystary júrgiziledi. Osynyń barlyǵy kelisim-shart jasaý barysynda talqylanady", - dedi basqarma basshysynyń orynbasary Gúlmıra Mamaeva.
“Adyrna” ulttyq portaly
