Burynǵy qyzmetterinen bólek endi memlekettik hatshyǵa mynandaı mindetter júkteledi:
- memleket basshysynyń tapsyrmasy boıynsha saıası partııalarmen qarym-qatynasta prezıdenttiń múddesin kózdeıdi;
- saıası qýǵyn-súrgin qurbandaryn tolyq aqtaý jónindegi memlekettik komıssııanyń, Ulttyq qoǵamdyq senim keńesiniń jáne Jastar saıasaty jónindegi keńestiń qyzmetin úılestiredi;
- Prezıdent janyndaǵy Qazaqstan strategııalyq zertteýler ınstıtýtynyń qyzmetin qadaǵalaıdy;
- «Táýelsizdik urpaqtary» grantyn taǵaıyndaý boıynsha jumysty úılestiredi.
Sonymen qatar memlekettik hatshy myna qyzmetterdi atqarady:
1) Qazaqstan Respýblıkasynyń prezıdentine ishki saıasat salasyndaǵy strategııalyq usynystardy ázirleıdi;
2) memleket basshysynyń atynan memleket basshysynyń múddesin qorǵaıdy:
- Qazaqstan Respýblıkasynyń parlamentimen jáne onyń palatalarymen, ózge de memlekettik organdarmen jáne qoǵamdyq birlestiktermen qarym-qatynasta;
halyqaralyq qatynystarda;
3) myna qyzmetterdi úılestiredi:
- áleýmettik-gýmanıtarlyq sala máseleleri boıynsha jumystardy: bilim, ǵylym, mádenıet jáne sport;
- Memleket basshysynyń janyndaǵy konsýltatıvtik-keńesshi organdardyń jumysyn;
- Sybaılas jemqorlyqqa qarsy komıssııalardyń, Memlekettik nagradalar jónindegi komıssııalardyń, Azamattyq komıssııalardyń jumysyn;
- Qazaqstan Respýblıkasy Tuńǵysh Prezıdenti – Elbasynyń Memlekettik Beıbitshilik jáne progress syılyǵyn berý jónindegi komıssııanyń jumysyn;
- Memlekettik rámizder men vedomstvolyq jáne olarǵa teńestirilgen ózge de nagradalar geraldıkasy máseleleri jónindegi respýblıkalyq komıssııa jumysyn;
- Shetelde kadrlar daıarlaý jónindegi respýblıkalyq komıssııa jumysyn;
- Ál-Farabı atyndaǵy ǵylym men tehnıka salasyndaǵy memlekettik syılyqty berý jónindegi komıssııa jumysyn;
- Abaı atyndaǵy ádebıet pen óner salasyndaǵy memlekettik syılyǵyn berý jónindegi komıssııa jumysyn;
- Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııa jumysyn;
- Saıası qýǵyn-súrgin qurbandaryn tolyq aqtaý jónindegi memlekettik komıssııa jumysyn;
Ulttyq qoǵamdyq senim keńesi jáne jastar saıasaty jónindegi keńes jumysyn.
4) qoǵamdyq damý salasyndaǵy memlekettik taldaý qurylymdarynyń jumysyn úılestiredi;
5) Qazaqstan Respýblıkasy prezıdentiniń tapsyrmalaryna sáıkes ózge de ókilettikterdi júzege asyrady.
Jarlyq qol qoıylǵan kúnnen bastap kúshine enedi.
Eske salaıyq, 2022 jylǵy 5 qańtarda Erlan Qarın Memleket basshysynyń Jarlyǵymen Qazaqstan Respýblıkasynyń memlekettik hatshysy bolyp taǵaıyndaldy.
