Saıram aýdany, Qarabulaq aýylyndaǵy ortalyq meshittiń burynǵy bas ımamy úsh jylǵa bas bostandyǵynan aıyryldy.
Qyzmetin atqaryp júrip terrorızmdi nasıhattap jáne osyndaı mazmundaǵy materıaldardy taratyp, ýaǵyzdaǵany úshin Abdýlrapı Rahmatýllaevqa QR QK-niń 174 baby 2-shi bóligimen aıyp taǵylǵan.
Dál osyndaı sıpattaǵy aıyptarmen, ıaǵnı áleýmettik jelilerde terrorızmdi nasıhattaıtyn habarlamalar taratqany úshin Saıram aýdanynyń turǵyny 5 jylǵa bas bostandyǵynan aıyryldy. Sottalýshy Dastanbek Beldimuratovqa QR QK niń 256 baby 1 shi jáne 2-shi bólikterimen aıyp taǵylǵan. Ol «VK» áleýmettik jelisi men Vatsap telekommýnıkaııalyq jelisinde terrorızmdi nasıhattaǵan.
otyrar.kz
