Memlekettik tóńkeris jasamaq bolǵandar túgel jaýapqa tartylýy tıis – «Aq jol»

2138
Adyrna.kz Telegram

Memlekettik tóńkeris jasaýshylardy búkil el bilýi úshin Parlamenttik tyńdaý ótkizý kerek. Bul týraly «Aq jol» partııasy málimdedi, dep habarlaıdy «Adyrna» tilshisi.

QR Parlamenti Májilisi depýtaty, “Aq jol” frakııasy múshesi Qazybek Isa QR Bas prokýrory Ǵ.Nurdáýletovke jáne QR Prezıdenti janyndaǵy Adam quqyǵy jónindegi ýákil E.Azımovaǵa depýtattyq saýal joldady.

«Talaıdy kórgen tarıhymyzda 2022 jylǵy qańtardaǵy qandy qasiret búkil elimizdi dúr silkindirdi. Memlekettik tóńkeris jasamaq bolǵandar óz maqsattaryna jetýi úshin tipti, eń qasıetti Táýelsizdigimizdiń ózin qurban ete jazdady. Memleketimiz saqtalyp qaldy, qudaıǵa shúkir, biraq qanshama adamnyń qany tógildi... Peıishte rýhtary shalqyp, Imandary salamat bolsyn.

Basynda áleýmettik ádilettilikter surap, beıbit mıtıngige shyqqan sherýshilerdi keıin Almatydan bastap, kóptegen qalalarda arnaıy daıyndalǵan búlikshil toptar paıdalanyp ketip, zańdy sherýdiń arty qandy sherýge aınaldy.

Qańtardaǵy qyrǵynda 227 adam qaza tapty. Jalpy 4500-den astam adam zardap shegip, 4353 adam túrli jaraqat alǵan.

Mundaı qasıetti qazaq tarıhyna qara tańba salǵan qandy qasiret qaıta qaıtalanbaýy úshin, Memlekettik tóńkeristi jasamaq bolǵan kimder, basshysy kim, qosshysy kim, oryndaýshylary kimder, bári tolyq anyqtalyp, túgel jaýapqa tartylýy tıis!

Ereýil kezinde beıbit sherýge shyqqandary úshin ǵana kóp adam, ásirese, jastarymyz jazyqsyz tutqyndalyp, soqqyǵa jyǵylyp, azaptalyp jatqandary týraly naqty málimetter men vıdeolar kelýde. Áleýmettik jelilerde de jıi jazylýda.

Tek qylmys jasaǵandar ǵana jaýapqa tartylýy tıis!

Bundaı jazyqsyz jandardy tutqyndap, azaptaý naǵyz arandatý, memleketke, Prezıdenttiń saıasatyna qarsy qasaqana jasalyp jatqan qastandyq dep sanaımyz.

Óıtkeni, Prezıdent Qasym-Jomart Toqaev árbir istiń ádil tergelýin, tipti aýyrlatatyn mán-jaı bolmasa, jazalaryn jeńildetý kerek degen talap qoıýda.

Biz zań buzýshylardyń esine Konstıtýııanyń 13 baby bar ekenin salamyz. Árkimniń óz quqyqtary men bostandyqtarynyń sot arqyly qorǵalýyna jáne bilikti zań kómegin tegin alýǵa quqyǵy bar.

Árkimniń áreketine ádil baǵa berý úshin, aldymen lańkester men ekstremısterdi, sodyrlar men qaraqshy-tonaýshylardy bir bólek, al beıbit sherýge shyǵýshylardy bir bólek qarastyrý kerek. Túrli aqparattarǵa qarasaq, qazir sodyr jeıtin soqqyny momyn da jep jatyr... “Aq jol» partııasy túsip jatqan aryzdarǵa baılanysty osyndaı talappen buǵan deıin de birneshe ret Bas prokýratýraǵa hat jazǵan bolatyn. Sonymen birge aryzdar kóbeıgendikten, Prezıdent janyndaǵy Adam quqy jónindegi ýákildiktiń arnaıy toptaryna jergilikti máslıhat depýtattaryn qosýdy usyndyq.

Aıta ketý kerek, osy ýákildiktiń Azaptaýlardyń aldyn alýdyń ulttyq tetigi quramyn keńeıtý kerek. Óıtkeni, keı óńirlerde 4-5 adamnan artpaıdy. Bular ár qaladaǵy tutqynda ustaý mekemelerin aralasa, bir adamnan da jetpeıdi. «Aq jol» partııasy ózderiniń qosatyn adamdarynyń tizimin daıyndap qoıdy.

Biz tergeýdiń ádil ári ashyq ótýin talap etemiz!

Ereýilden keıin elde bolyp jatqan adam quqyn aıaqqa taptaý máselelerine Memlekettik hatshy Erlan Qarın de basa nazar aýdaryp, buny «arandatýshylyq» dep baǵalap, qoǵamdyq komıssııalar qurýdy qoldady.

Qazir birneshe qoǵamdyq komıssııalar qurylyp, aldy iske kirisýde. Iá, halyqtyq baqylaý ǵana zańsyzdyqtyń jolyn kesýge zor úles qosady.

“Aq joldyń” usynystary:

1.Memlekettik tónkeris jasamaq bolǵandar tolyq anyqtalyp, jaýapqa tartylýy qajet.

2. Shabýyl jasaǵan búlikshiler men beıbit sherýshilerdi eki bólek qarastyrý kerek

3. Tergeýdi zań jolymen ádil ótkizý kerek: qamaýdaǵylardy azaptaýdy toqtatyp, advokattarǵa jol ashylýy tıis. Jaralylardy aýrýhanalarǵa jatqyzý qajet.

4. Adam quqy men bostandyqtary saqtalyp, tergeýdiń ádil de, ashyq ótýin tekserý úshin Adam quqy jónindegi ýákildigi janynan komıssııalar quryp, parlament pen jergilikti máslıhat depýtattaryn, saıası partııalar men qoǵamdyq uıymdar ókilderin qosý kerek.

5. Halyqtan túsetin aqparattar boıynsha adam quqyqtaryn qorǵaý jumystary nátıjeleri ashyq jarııalanýy tıis.

6. Memlekettik tóńkeris jasaý áreketi tolyq tergelip bitken soń, onyń nátıjesin búkil el bilýi úshin Parlamenttik tyńdaý ótkizý jón dep sanaımyz»,– delingen saýalda.

Pikirler